មកដឹងដំណើររឿងរ៉ាវស្នេហារបស់ Charlie Puth និងគូស្នេហ៍ Halston Sage

2018-11-10 03:17:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាការពិតណាស់ ទំនាក់ទំនងស្នេហារវាងតារាចម្រៀង Charlie Puth និងតារាសម្ដែង Halston Sage កាន់តែផ្អែមល្ហែមស្អិតរមួតពីមួយថ្ងៃទៅថ្ងៃ ខណៈតារាចម្រៀងរូបនេះ ជាញឹកញាប់ឧស្សាហ៍បង្ហាញពីសកម្មភាពរបស់ពួកគេលើ Story ក្នុងបណ្ដាញសង្គម Instagram។

ដំបូងឡើយ ដំណឹងចចាមអារ៉ាមថា តារាចម្រៀង Charlie Puth ទាក់ទងគ្នាជាមួយតារាសម្ដែង Halston sage គឺកើតមានឡើងអំឡុងខែសីហា ខណៈតារាចម្រៀងប្រុសរូបនេះ បានបង្ហោះរូបភាពអាថ៌កំបាំងមួយសន្លឹក ដែលរូបនោះ មានជើងរបស់មនុស្សស្រីម្នាក់បានដាក់លើជើងរបស់លោក។ ក្រោយមកអ្នកគាំទ្រ ក៏បានរកឃើញថា ជើងរបស់ស្រីម្នាក់នោះ គឺជាជើងរបស់តារាសម្ដែង Halston Sage។

ការសង្ស័យក៏កាន់តែកើតមានខ្លាំងឡើងៗ ខណៈពួកគេទាំង២នាក់ បន្តទៅណាមកណាជាមួយគ្នា។ ជាក់ស្ដែង អំឡុងខែកញ្ញា អ្នកទាំងពីរបានចូលរួមកម្មវិធីជាច្រើនជាមួយគ្នា ក្នុងនោះមានដូចជាកម្មវិធី Prada Party ក្នុងទីក្រុងញ៉ូវយ៉ក និងកម្មវិធី Yellow Ball ជាដើម។ ពួកគេបានបង្ហាញភាពស្និទ្ធស្នាលជាមួយគ្នាខ្លាំងលើសពីអ្វីដែលអ្នកគាំទ្ររំពឹងទុក។

ចាប់តាំងពីពេលនោះមក Charlie ចាប់ផ្ដើមបើកបង្ហាញមុខ និងកាយវិការផ្អែមល្ហែមជាមួយ Halston ជាសាធារណៈ។ ក្រោយមកមិនយូរប៉ុន្មាន លោកក៏បានប្រកាសពីទំនាក់ទំនងរបស់ពួកគេជាសាធារណៈតែម្ដង។

ក្រោយប្រកាសទំនាក់ទំនងស្នេហាជាសាធារណៈមក តារាចម្រៀង Charlie បានបន្តបង្ហោះរូបភាពផ្អែមល្ហែមជាមួយគូស្នេហ៍ ដែលធ្វើឲ្យមហាជន និងអ្នកគាំទ្រជាច្រើនមានការច្រណែនជាមួយគូស្នេហ៍មួយគូនេះជាខ្លាំង។ ទោះជាយ៉ាងណាក៏ដោយ អ្នកគាំទ្រនៅតែពេញចិត្តនឹងឃើញតារាក្នុងដួងចិត្តរបស់ពួកគេមានសេចក្ដីសុខបែបនេះ៕

ប្រភព៖ ហ្វេសប៊ុក Charlie Puth Cambodia

អត្ថបទ៖ អន សុភក្ត្រា