ដើម្បីក្លាយជាទាហានដ៏ល្អ អ្នកត្រូវលត់ដុំ១០យ៉ាងនេះ

2018-12-09 04:03:02
ចំនួនមតិ 0 | ចំនួនចែករំលែក 0

ចន្លោះមិនឃើញ

មុនក្លាយជាទាហានដ៏រឹងមំា និងអង់អាចក្លាហាន បុគ្គលិកម្នាក់ៗត្រូវហ្វឹកហាត់ លត់ដុំយ៉ាងខ្លាំងទើបបាន។ ជម្រើសហ្វឹកហាត់មានច្រើនយ៉ាងណាស់ តែថ្ងៃនេះសូមបង្ហាញវិធីហ្វឹកហាត់១០យ៉ាងដែលធ្វើឲ្យអ្នកនឹងក្លាយជាទាហានដ៏ល្អ។

ទី១៖ ហក់លោត

ការហ្វឹកហាត់ហក់លោតជាវិធីសាស្ត្រហាត់ប្រាណដ៏សាមញ្ញមួយ ប៉ុន្តែជាមូលដ្ឋានគ្រឹះដ៏សំខាន់ដែលជួយធ្វើឲ្យជើងរបស់អ្នករឹងមាំ។ ហក់លោកបោះជំហានទៅមុខបង្កើននូវភាពរឹងមាំរាងកាយ គោលជំហរ និងភាពលំនឹងនៃរាងកាយ ជាពិសេសឈរជើងមួយដ៏រឹងមាំដែរ។ ត្រូវចាំថា ជង្គង់ខាងមុខរបស់អ្នកមិនត្រូវទៅមុខហួសម្រាមជើងរបស់អ្នកឡើយ។

ទី២៖ ងើបដងពឹងលើកម្លាំងជើង

វិធីហាត់ប្រាណនេះក៏សាមញ្ញសម្រាប់អ្នកហាត់ប្រាណទូទៅដែរដោយកន្លែងហាត់ប្រាណណាក៏មានដែរ។ ដាក់ជើងជាប់ឧបករណ៍អ្វីមួយ ហើយយកដៃដាក់លើខ្លួនដើម្បីងើបដងខ្លួនចេញពីកម្រាលដោយពឹងផ្នែកលើកម្លាំងជើង។ វិធីនេះពិតជាមានផលល្អណាស់ដល់កម្លាំងកាយ ជាពិសេសធ្វើឲ្យគ្មានក្បាលពោះបង្កើតបានជាសាច់ដុំ៦ និងចង្កេះក៏ស្អាត។

ទី៣៖ លោតចោងហោង

ជម្រើសលោតឈរលោតចោងហោងពិតជាបង្កើនដល់កម្លាំងកាយ និងដងខ្លួនមាំមួនល្អណាស់។ អ្នកដែលហាត់វិធីនេះកាន់តែបានយូរ កាន់តែធ្វើឲ្យរាងកាយរបស់កាន់តែរឹងមាំ។ វិធីនេះត្រូវបានគេចាត់ទុកថា ជាវិធីហាត់ប្រាណដ៏ធ្ងន់ធ្ងរមួយ។

ទី៤៖ ហាត់ដើរផ្លូវឆ្ងាយ

អ្នកប្រហែលជាមិនគិតដល់អត្ថប្រយោជន៍អំពីការដើរ ឬរត់ត្រឹកៗឆ្ងាយរាប់រយគីឡូម៉ែត្រនោះទេ ដោយសារមិនសូវមានអ្នកហាត់ច្រើន ក្រៅពីកងទ័ព។ វាវិធីមួយជួយធ្វើឲ្យកម្លាំងស៊ូនឹងភាពហត់នឿយក្រោមកម្តៅថ្ងៃ រាងកាយមានចលនា និងបង្កើនកម្លាំងស៊ុហ្វបានល្អដែលជាជម្រើសដ៏ល្អសម្រាប់កងទ័ព។

ទី៥៖ លោតលូនមានវត្ថុធ្ងន់ជាប់ខ្លួន

ចលនាអោនងើបៗ លោតផងអាហ្វង់ផង ខណៈជាប់ខ្លួនមានវត្ថុធ្ងន់ថែមទៀតពិតជាកម្រមានមនុស្សទូទៅធ្វើណាស់។ នេះវិធីដ៏ល្អសម្រាប់ទាហាន ពីព្រោះកម្លាំងទាហានត្រូវការវត្ថុធ្ងន់ៗជាប់ខ្លួនទាល់តែហ្វឹកហាត់បែបនេះទើបទ្រាំទ្របាន។ ទី៦៖ រត់ផ្លូវឆ្ងាយមានវត្ថុធ្ងន់ជាប់ខ្លួន

ការហាត់រត់ចម្ងាយរាប់សិបគីឡូម៉ែត្រជាជម្រើសដ៏ល្អសម្រាប់បង្កើនថាមពលក្នុងខ្លួន ស៊ូនឹងភាពអត់ធ្ងន់។ ប៉ុន្តែហាត់តែប៉ុណ្ណេះមិនទាន់គ្រប់គ្រាន់ទេ អ្នកត្រូវស្ពាយវត្ថុធ្ងន់ជាប់ខ្លួន ហើយពេលខ្លះពាក់ស្បែកជើងដែលមានទម្ងន់ធ្ងន់ថែមទៀតទើបកាន់តែអស្ចារ្យ។ តាមអ្នកជំនាញថា វិធីនេះមិនត្រឹមតែជួយដល់រាងកាយប៉ុណ្ណោះទេ ប៉ុន្តែបង្កើតស្មារតីអង់អាចក្លាហានថែមទៀត។

ទី៧៖ លើកទម្ងន់

មិនថា ទាហាន កងកម្លាំងប្រដាល់អាវុធគ្រប់ប្រភេទ ឬអ្នកកីឡានោះទេដែលត្រូវហាត់លើកទម្ងន់ សូម្បីតែមហាជនទូទៅក៏ហាត់លើកទម្ងន់នេះ។ កម្លាំងស៊ុហ្វ កម្លាំងដៃ ស្មារតី និងរាងកាយកាន់តែអស្ចារ្យនៅពេលស៊ូទ្រាំងនឹងទម្ងន់លើកឡើងលើ។

ទី៨៖ ហែលទឹក

ឃើញអ្នកកីឡាកាយវប្បកម្មពិតជាគួរឲ្យសរសើរណាស់ចំពោះសាច់ដុំរាងកាយរបស់គេ ប៉ុន្តែអ្នកដែលធ្លាប់ឃើញកីឡាករ កីឡាការិនីហែលទឹកដែលឬទេ? តាមពិតទៅការហែលទឹកដ៏ជួយធ្វើឲ្យសាច់ដុំឡើងដុំខ្លាំងដែរ។ ជាពិសេសរាងស្អាតតែម្តងមាំមួនតែ។ សារពាង្គកាយគ្រប់ទាំងអស់មានចលនានៅពេលហែលទឹក ដូច្នេះហើយបានជាការហែលទឹកជាវិធីដ៏អស្ចារ្យមួយ។

ទី៩៖ ហាត់អាហ្វង់

ដើម្បីបង្កើនកម្លាំងដៃ និងកម្លាំងស៊ុហ្វស៊ូទ្រាំនឹងទម្ងន់រាងកាយ អ្នកចាំបាច់ត្រូវតែអាហ្វង់។ ការអាហ្វង់កាន់តែច្រើន កាន់តែធ្វើឲ្យរាងបង្កើនសាច់ដុំមាំមួន។ រឹតតែអស្ចារ្យទៀតនោះគឺឈានដល់ការអាហ្វង់ដៃម្ខាង ឬជើងម្ខាង។

ទី១០៖ ហាត់ស្មារតី

ការហ្វឹកហាត់បង្កើនភាពអស្ចារ្យលើកម្លាំងតែម្យ៉ាង មិនគ្រប់គ្រាន់នោះទេសម្រាប់ទាហាន។ ទាហានត្រូវមានស្មារតីក្លាហាន ឆន្ទៈមោះមុត។ ពួកគេមិនត្រូវខ្លាចញញើត តក់ស្លុត ឬញាប់ញ័រនឹងឧបសគ្គគ្រប់យ៉ាងនៅចំពោះមុខឡើយ។ វិធីនេះត្រូវហ្វឹកហាត់ឆ្លងកាត់បញ្ហាលំបាក ឧបសគ្គ និងភាពស្មុគស្មាញជាច្រើននៅចំពោះមុខដើម្បីឲ្យឆន្ទៈ និងស្មារតីរឹងមាំ។ បងប្អូនធ្លាប់ឮគេនិយាយទេថា អ្នកខ្លះគ្រាន់តែឃើញឈាមក៏សន្លប់ដែរ ពីព្រោះអ្នកនោះមិនធ្លាប់ជួបនឹងបញ្ហាបែបនោះទើបធ្វើឲ្យគាត់ស្មារតីខ្សោយ៕

ប្រភព៖ Therichest ប្រែសម្រួល៖ ជាន ចាន់រ៉ា