លី ម៉ារីណា អូសប្តីមកនៅស្រុកខ្មែរបានសម្រេច ហើយធ្វើរឿងនេះដាក់ឪពុកម្តាយក្មេកទៀត

2018-12-13 02:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីមករស់នៅស្រុកខ្មែរវិញ ពេលនេះ អ្នកនាង លី ម៉ារីណា លែងខ្វល់ខ្វាយរឿងត្រលប់ទៅរស់នៅអាមេរិកវិញហើយ។ មិនតែប៉ុណ្ណោះ តារាសម្ដែងរូបនេះ នៅអូសទាញទាំងប្ដី កូន និង ឪពុកម្ដាយក្មេក មករស់នៅស្រុកកំណើត ទាំងអស់គ្នាគ្នាតែម្ដង។

លី ម៉ារីណា រួមទាំងស្វាមី និងកូន

តារាអាយុ៣៨ឆ្នាំ បន្តថា រស់នៅស្រុកគេមិនដូចស្រុកខ្មែរទេ ពិបាកជាងគេរឿងរកស៊ីតែម្ដង ព្រោះត្រូវបង់ពន្ធច្រើន ម្យ៉ាងទៀត អ្នកនាងមិនសូវមានសាច់ញាតិនៅទីនោះថែមទៀត។ ដោយសារនៅស្រុកខ្មែរ អ្នកនាង បានបើកជំនួញលក់កង់ នាំចូលពីអាមេរិកមកផ្ទាល់ ដូច្នេះ ស្វាមីរបស់ខ្លួនជាអ្នកឡើងចុះម្នាក់ឯងពេលទៅយកទំនិញ ជាហេតុត្រូវការអ្នកមើលខុសត្រូវលើមុខជំនួញ ។ ចំពោះឪពុកម្ដាយក្មេកវិញ ក៏មករស់នៅជុំគ្នាទាំងអស់តែម្ដង ក្នុងទីក្រុងភ្នំពេញ។

រយៈពេលរស់នៅកម្ពុជា អ្នកនាង លី ម៉ារីណា ប្រាប់ថា សប្បាយចិត្តខ្លាំង ព្រោះទាំងសិល្បៈក៏កាក់កប មុខជំនួញទាំងបីក៏ដំណើរការរលូន ដូច្នេះគ្មានហេតុផល ឬការសោកស្ដាយ ទៅរស់នៅអាមេរិកវិញនោះទេ។

តារាសាច់ចាំ លី ម៉ារីណា បានសម្រេចរៀបការជាមួយលោក សាត ចាន់ថន ដោយសម្រេចទៅរួមរស់អាមេរិកជាមួយគ្នា អស់រយៈពេលច្រើនឆ្នាំ។ ក្រោយមក អ្នកនាង ក៏ត្រលប់មកស្រុកខ្មែរវិញ ដោយសម្អាងថា ចាំកូនអាយុគ្រប់ចូលរៀន នឹងត្រលប់ទៅរស់នៅក្នុងប្រទេសមហាអំណាចនេះវិញ។ តែពេលនេះ តារាស្រីស្រស់ស្អាតរូបនេះ សម្រេចចិត្តមិនទៅរស់នៅទីនោះវិញតាមគម្រោងនោះឡើយ ដោយបើកហាងលក់កង់ លក់សម្លៀកបំពាក់ និងផលិតផលថែរក្សាសម្រស់ ផងដែរ៕

អត្ថបទ៖ លឹម សុនា