ក្ដៅ!! រសៀលនេះ តុលាការសម្រេចឲ្យឃុំខ្លួននាយិកា "ឌែម៉ូគ្លីនិច" បណ្ដោះអាសន្នហើយ!

2019-01-05 08:01:30
ចំនួនមតិ 0 | ចំនួនចែករំលែក 0

ចន្លោះមិនឃើញ

តាម លោក តាំង ស៊ុនឡាយ ប្រធានសាលាដំបូងរាជធានី ប្រាប់ Fresh Newsអ្នកស្រី ហូវ ដានេ នាយិកាមជ្ឈមណ្ឌលកែសម្ផស្ស "ឌែម៉ូគ្លីនិច" រួមជាមួយម្នាក់ជាបុគ្គលពេទ្យ ជំនាញខាងផ្នែកវះកាត់ប្រដាប់ភេទ ត្រូវបានចៅក្រមស៊ើបសួរ សាលាដំបូងរាជធានីភ្នំពេញ លោក ម៉ុង មុនីសោភា ចេញដីកាបង្គាប់ឲ្យឃុំខ្លួនអ្នកទាំង២ ដាក់ពន្ធនាគារជាបណ្ដោះអាសន្នហើយ នារសៀលថ្ងៃទី០៥ ខែមករា ឆ្នាំ២០១៩នេះ។

រូបភាព៖ហ្វេសប៊ុក

ការសម្រេចនេះ បន្ទាប់ពីថ្ងៃទី ៤ មករា ម្សិលមិញ ចុងចោទទាំងពីរ ត្រូវបានលោក សឿន មុនីរ័ត្ន ព្រះរាជអាជ្ញារងអមសាលាដំបូងរាជធានីភ្នំពេញ សម្រេចចោទប្រកាន់ពីបទ "គំរាមកំហែងហែកកេរ្តិ៍ បទកំហែងយក និងបទប៉ះពាល់សិទ្ធិខាងរូបភាពនៃបុគ្គល" និងបានបញ្ជូនសំណុំរឿងនេះទៅចៅក្រមស៊ើបសួរ ចាត់ការបន្តតាមនីតិវិធី មុនពេលចៅក្រមស៊ើបសួរ សម្រេចឲ្យឃុំខ្លួនបណ្ដោះអាសន្ននៅថ្ងៃនេះ។

ជាមួយនឹងការសម្រេចរបស់សាលាដំបូងរាជធានីនេះ នាយិកាខាងលើ និងបុគ្គលិកជាគ្រូពេទ្យជំនាញវះកាត់ប្រដាប់ភេទប្រចាំឌែម៉ូ នឹងត្រូវបញ្ជូនទៅពន្ធនាគារ ប៉េហ្សី នៅរសៀលថ្ងៃទី ៥ មករា ២០១៩ នេះតែម្ដង៕

អត្ថបទ៖ ទារិកា