អ៊ឹង និមល ប្រាប់គន្លឹះងាយៗថែរាងស្អាត ឲ្យមើលទៅ Slim

2019-01-13 02:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាបង្ហាញម៉ូដ អ៊ឹង និមល បានប្រាប់ពីគន្លឹះថែរក្សារាងឲ្យស្រស់ស្អាត មើលទៅកាន់តែស្រឡូន ដោយប្រើវិធីសាស្ត្រងាយៗ។

ជាក់ស្ដែង តារាមានទម្ងន់ត្រឹម៤៩គីឡូក្រាម និង កម្ពស់ ១៦៧សង់ទីម៉ែត្រ រូបនេះ តឹងរឹងលើរបបអាហារ ដោយមិនទទួលទានច្រើនពេលល្ងាចឡើយ។ ម្យ៉ាងទៀត ចំពោះអាហារមានជាតិខ្លាញ់ ឬ ឆា ចៀន ជាដើម និមលច្រើនតែហូបតែពេលថ្ងៃប៉ុណ្ណោះ ព្រោះអាហារទាំងនេះ បើទទួលទានពេលល្ងាច ច្បាស់ជាឆាប់ឡើងគីឡូ។

លើសពីនេះ ស្រីស្អាតមានស្រុកកំណើតនៅរាជធានីភ្នំពេញ បរិភោគបន្លែ ផ្លែឈើ និងមានទម្លាប់ផឹកទឹកឲ្យបានច្រើន។ ប្អូនស្រី លោក ទុយ និយាយថា ក្រៅពីម៉ត់ចត់លើរបបអាហារហើយ ការហាត់ប្រាណក៏សំខាន់ផងដែរ ព្រោះធ្វើឲ្យរាងកាន់តែស្អាត។ ជាទូទៅ តារាបង្ហាញម៉ូដវិវត្តន៍ជាតារាសម្ដែងរូបនេះ ជ្រើសយកពេលល្ងាចសម្រាប់ការហាត់ប្រាណ បញ្ចេញញើស។

វិធីសាស្ត្រងាយៗនេះ កញ្ញា និមល តែងអនុវត្តជាប្រចាំដើម្បីធ្វើឲ្យរាងកាយស្អាត និងមាំមួន។ មិនត្រឹមបានរាងស្អាត គួរជាទីគយគន់នោះទេ ថែមទាំងមានសុខភាពល្អ មិនងាយឈឺទៀតផង៕