ផ្លូវការហើយ! Maroon 5 នឹងសម្ដែងការប្រគំតន្ត្រីដ៏ធំមហិមា Super Bowl ឆ្នាំ ២០១៩
- 2019-01-14 03:10:00
- ចំនួនមតិ 0 | ចំនួនចែករំលែក 0
ផ្លូវការហើយ! Maroon 5 នឹងសម្ដែងការប្រគំតន្ត្រីដ៏ធំមហិមា Super Bowl ឆ្នាំ ២០១៩
ចន្លោះមិនឃើញ
ក្រុមចម្រៀងកំពូលល្បី Maroon 5 បានប្រកាសជាផ្លូវការហើយថា ពួកគេនឹងសម្ដែងនៅក្នុងកម្មវិធីតន្ដ្រីដ៏ធំប្រចាំឆ្នាំ Super Bowl ២០១៩ នៅខែកុម្ភៈជាមួយតារា២រួបទៀតគឺ Travis Scott និង Big Boi។
ក្រុមតារាម្ចាស់បទ "Girls Like You” បានបង្ហោះវីដេអូខ្លីមួយនៅលើបណ្ដាញសង្គម Twitter ថាពួកគេនឹងសម្ដែងនៅក្នុងការប្រកួតកីឡាបាល់ឱបប្រចាំឆ្នាំដែលលើកនេះនឹងធ្វើឡើងនៅពហុកីឡាដ្ឋាន Merceds-Benz Stadium ទីក្រុង Atlanta រដ្ឋ Georgia សហរដ្ឋអាមេរិកនៅថ្ងៃទី៣ខែកុម្ភៈ។
ទោះជាយ៉ាងណាក៏ដោយ មុននឹងក្រុមចម្រៀងនេះយល់ព្រមសម្ដែង តារាល្បីៗជាច្រើនរូបដូចជា Rihanna និង Cardi B ជាដើមប្រកែកមិនចូលរួមសម្ដែងលុះត្រាតែពួកគេស្វែងរកដំណោះស្រាយដល់កីឡាករ Colin Kaepernick។ កីឡាកររូបនេះបានចាប់ផ្ដើមការយុទ្ធនាការប្រឆាំងនឹង ភាពអយុត្តិធម៌របស់ក្រុមប៉ូលិសមកកាន់ជនស្បែកខ្មៅ។
គូសបញ្ជាក់ថាកម្មវិធីប្រគំតន្ដ្រី Super Bowl ធ្លាប់ត្រូវបានតារាល្បីៗជាច្រើនរូបចូលរួមសម្ដែងរាប់បញ្ចូលទាំង Lady Gaga, Beyonce, Justin Timberlake និង Bruno Mars ជាដើម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
