ទ្វីបអាហ្វ្រិកទាំងមូលធ្លាប់ដើរចេញពីប្រកួត World Cup ដោយមិនស្ដាយស្រណោះ
- 2019-02-20 10:50:58
- ចំនួនមតិ 0 | ចំនួនចែករំលែក 0
ទ្វីបអាហ្វ្រិកទាំងមូលធ្លាប់ដើរចេញពីប្រកួត World Cup ដោយមិនស្ដាយស្រណោះ
ចន្លោះមិនឃើញ
ព្រឹត្តិការណ៍បាល់ទាត់ពិភពលោកជាព្រឹត្តិការណ៍មួយដែលប្រទេសជាច្រើនប្រាថ្នាចង់ចូលរួមលេង។ ដោយឡែកក្នុងឆ្នាំ១៩៦៦ ទ្វីបអាហ្វ្រិកទាំងមូលដែលមានប្រទេសចំនួន ១៥ សម្រេចចិត្តធ្វើពហិការមិនចូលរួមតាំងពីវគ្គជម្រុះ។
នេះគឺដោយសារតែ ការសម្រេចចិត្តរបស់ FIFA នៅឆ្នាំ ១៩៦៤ ដោយឲ្យមានប្រទេសចំនួន ១៦ លេងនៅវគ្គចុងក្រោយនៃ World Cup ឆ្នាំ១៩៦៦។ ១៦ប្រទេសនោះ មាន១០ក្រុម សម្រាប់ប្រទេសអឺរ៉ុប ដោយរាប់បញ្ចូលទាំងម្ចាស់ផ្ទះអង់គ្លេស ៤ក្រុមសម្រាប់ប្រទេសអាមេរិកឡាទីន ១ក្រុមសម្រាប់ប្រទេសតំបន់ការីប៊ៀន និងតំបន់អាមេរិកកណ្ដាល ហើយ ១ក្រុមទៀតសម្រាប់ប្រទេសទ្វីបអាហ្វ្រិក ទ្វីបអាស៊ី និងទ្វីបអូសេអានី។
សហភាពបាល់ទាត់ទ្វីបអាហ្វ្រិកបានយល់ឃើញថា វាមានភាពអយុត្តិធម៌ណាស់សម្រាប់ខ្លួន ដែលតម្រូវឲ្យលេងវគ្គ Play-Off ជាមួយនឹងទ្វីប ២ ទៀត។ ពួកគេតវ៉ាថា យ៉ាងហោចណាស់មាន ១កៅអីសម្រាប់ទ្វីបអាហ្វ្រិកចូលលេងដោយស្វ័យប្រវត្តិ (មិនឆ្លងកាត់វគ្គ Play-Off ជាមួយទ្វីបផ្សេងទៀត) ក្នុងព្រឹត្តិការណ៍បាល់ទាត់ពិភពលោក។
ម៉្យាងទៀត សហភាពបាល់ទាត់ទ្វីបអាហ្វ្រិកបានសម្ដែងការមិនពេញចិត្តចំពោះ FIFA ដែលសម្រេចឲ្យប្រទេសអាហ្វ្រិកខាងត្បូងចូលលេងវគ្គជម្រុះ World Cupក្នុងកូតាទ្វីបអាស៊ី បន្ទាប់ពីទ្វីបអាហ្វ្រិកបានហាមឃាត់ប្រទេសមួយនេះ ដោយសារតែរបបអាប៉ាថេតឆ្នាំ១៩៥៨ ដែលជារបបរើសអើងពណ៌សម្បុរពួកស្បែកខ្មៅ។
សូមបញ្ជាក់ផងដែរថា ក្នុងព្រឹត្តិការណ៍ World Cup ឆ្នាំ១៩៦៦ ប្រទេសអង់គ្លេសជាជើងឯកពាននេះជាលើកទី ១ និងតែម្ដងគត់ក្នុងប្រវត្តិសាស្ត្ររបស់ខ្លួន៕