ជី សិលា៖ អ្នកចាប់ផ្ដើមអាជីវកម្ម ឬ Startup ថ្មី គួរប្រកាន់ទម្លាប់ល្អនេះទុក

2019-03-17 03:37:42
ចំនួនមតិ 0 | ចំនួនចែករំលែក 0

ចន្លោះមិនឃើញ

"អ្នកចាប់ផ្ដើមអាជីវកម្មថ្មី ឬ Startup ដែលមានមហិច្ឆតាចង់សម្រេចបំណងក្នុងការធ្វើអាជីវកម្មជោគជ័យ ទទួលបានការចាប់អារម្មណ៍ពីវិនិយោគិនបរទេស ឬវិនិយោគគិនក្នុងស្រុក ដាក់ទុនរកស៊ីជាមួយ មិនថាក្នុងវិស័យណាក៏ដោយ អ្នកគួរតែប្រកាន់ខ្ជាប់នូវគំនិតសុទិដ្ឋិនិយម ហ៊ានចំណាយកម្លាំងបង្កើតឲ្យមានផលិតផលផ្ទាល់ខ្លួន និងធ្វើគម្រោងអាជីវកម្មឲ្យច្បាស់លាស់ជាមុនសិន"។ នេះជាប្រសាសន៍លោក ជី សិលា នាយកប្រតិបត្តិក្រុមហ៊ុន Sabay ដែលជាក្រុមហ៊ុនឌីជីថលឈានមុខគេនៅកម្ពុជា។

ថ្លែងនៅក្នុងកម្មវិធី Digital Cambodia ប្រធានបទ "How making your firm investment ready, raising capital, and build a sustainable company" លោកនាយកប្រតិបត្តិរូបនេះ បានបន្ថែមទៀតថា គ្រប់អ្នកវិនិយោគទាំងអស់ មិនថាតែក្នុងស្រុក ឬក្រៅស្រុកទេ សុទ្ធតែចង់បានដៃគូរកស៊ីដែលរឹងមាំ មានគម្រោងអាជីវកម្មច្បាស់លាស់ ការទុកចិត្តគ្នាទៅវិញទៅមក។

លោកក៏បានលើកឧទាហរណ៍ងាយៗពី ស្ថាបនិកវ័យក្មេង ក្រុមហ៊ុនកក់សំបុត្រឡានអនឡាញ ជា ឡង់ដា (Bookmebus) និងស្ថាបនិក Swallwold លោក ធុល រិទ្ធី (ស្ថាបនិកកុំព្យូទ័រគម្ពីរ) លោក ឈួម ពិសិដ្ឋ (ស្ថាបនិកហ្គេម DirexPlay) និងស្ថាបនិកផ្សេងៗទៀតនៅស្រុកខ្មែរយើង ដែលព្យាយាមបង្កើតផលិតផលផ្ទាល់ខ្លួន ហើយថែមទាំងមានគម្រោងអាជីវកម្មច្បាស់លាស់ ធ្វើឲ្យទាក់ចិត្តអ្នកវិនិយោគយ៉ាងខ្លាំង។

ចង់ស្តាប់ការធ្វើបទបង្ហាញពេញរបស់លោក ជី សិលា សូមទស្សនាវីដេអូខាងក្រោម៖