មកស្គាល់ គ្រូបង្វឹកដែលដឹកនាំក្រុមជម្រើសជាតិយូរជាងគេក្នុងវគ្គជម្រុះ Euro 2020

2019-03-27 13:08:21
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងវគ្គជម្រុះពានប្រចាំទ្វីបអឺរ៉ុប UEFA Euro ឆ្នាំ២០២០ មានក្រុមជម្រើសជាតិសរុប ៥៥ក្រុម បានចូលរួម។ ក្នុងនោះ មានគ្រូបង្វឹកតែមួយរូបគត់ដែលដឹកនាំក្រុមជម្រើសជាតិលើសពី ១០ឆ្នាំ។

គ្រូបង្វឹកនោះគឺ លោក Joachim Low ដែលកំពុងដឹកនាំក្រុមជម្រើសជាតិអាល្លឺម៉ង់អស់រយៈពេល ១៣ឆ្នាំមកហើយ។ មុននឹងក្លាយជាគ្រូបង្វឹក លោកបានធ្វើជាជំនួយការរបស់គ្រូបង្វឹកនៃក្រុមជម្រើសជាតិនេះ អស់រយៈពេលជាង ២ឆ្នាំ។

ក្នុងរយៈពេល ១៣ឆ្នាំនេះ លោកបានដឹកនាំអាល្លឺម៉ង់បាន ១៧៨ប្រកួត ដែលក្នុងនោះ ឈ្នះចំនួន ១១៤ប្រកួត ស្មើ ៣៤ប្រកួត និងចាញ់ ៣០ប្រកួត និងឈ្នះពានចំនួន ២ គឺ FIFA World Cup នៅឆ្នាំ ២០១៤ និងFIFA Confederations Cup នៅឆ្នាំ២០១៧។

បន្ទាប់ពីលោក Low គ្រូបង្វឹកក្រុមជម្រើសជាតិអង់ដូរ៉ាលោក Koldo ក៏ដឹកនាំបានរាងយូរដែរ ពោលគឺដឹកនាំបានរយៈពេល ៨ឆ្នាំ ៩ខែ ហើយស្រដៀងគ្នានេះដែរ គ្រូបង្វឹកក្រុមជម្រើសជាតិលុចហ្សំបួរលោក Luc Holtz ក៏មិនចាញ់លោក Koldo ប៉ុន្មានដែរ ដោយលោកបានដឹកនាំក្រុមជម្រើសជាតិលុចហ្សំបួរអស់រយៈពេល ៨ឆ្នាំ ៧ខែ៕

ប្រភព៖ transfermarkt អត្ថបទ៖ សេរី មង្គល