ឡុង សុភី ប្រើក្បាច់ចាបចឹកស្រូវយកឈ្នះ កង់មឿងឆាង បានអត់ថ្ងៃនេះ?

2019-04-06 00:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាឆ្នើមប្រចាំក្លឹបសាលវ័ន្តកីឡា ឡុង សុភី នឹងត្រូវចូលខ្លួនមកស្វាគមន៍អ្នកលេងគុនថៃមុខតាន់ កងមឿងឆាង នាថ្ងៃហើយ ខណៈ ឈិត សេរីរវណ្ណថង ក៏មានវត្តមានស្វាគមន៍ភ្ញៀវថៃផងដែរ។

កីឡាករ ឡុង សុភី

បើទោះជា ឡុង សុភី មានវ័យច្រើនក៏ដោយ ប៉ុន្តែសមត្ថភាពប្រកួតនៅតែរក្សាលំនឹង អាចបន្តការប្រកួតដល់បច្ចុប្បន្ននេះ ហើយនៅតែក្ដោបឱកាសបានគ្រប់សង្វៀននៅកម្ពុជា។ បន្ទាប់ពីចប់ភារកិច្ចនៅសង្វៀនបាយ័នកាលពីសប្ដាហ៍មុនរួចមក ឥលូវនេះអ្នកប្រដាល់លេងកម្ពស់រូបនេះនឹងត្រូវតតាំងជាមួយជើងខ្លាំងថៃម្នាក់ទៀតហើយនៅសង្វៀន CNC ម៉ោង២រសៀលនេះ។

ឡុង សុភី ក្រហម

ចំណែកអ្នកប្រដាល់វ័យក្មេងមកពីបាត់ដំបង ឈិត សេរីវណ្ណថង ក៏នឹងត្រូវប្រកួតមិត្តភាពជាមួយអ្នកលេងគុនថៃដូចគ្នានៅថ្ងៃនេះលើសង្វៀន CNC ដដែល ប៉ុន្តែកម្មវិធីគោជល់ ដែលចាប់ផ្ដើមពីម៉ោង ៥,៥០នាទីល្ងាចតទៅ។ ក្រៅពី២គូខាងលើនេះទៅនៅសង្វៀនអាស៊ីអាគ្នេយ៍ ក៏មានគូចាប់អារម្មណ៍ដែរដូចជា ម៉ន សាម៉េត ប៉ះ Deik Lak ឈាន ហុង ប៉ះ Ken Sak ចាប់ពីម៉ោង ២រសៀលតទៅ។ ចំណែកសង្វៀន TV5 វិញក៏មានគូចាប់អារម្មណ៍ដូចគ្នា គឺ ធន់ មករា ប៉ះបរទេស។

ឈុត សេរីវណ្ណថង ក្រហម

បញ្ជាក់ដែរថា កម្មវិធីប្រដាល់ថ្ងៃសៅរ៍ ទី៦ ខែមេសា ឆ្នាំ២០១៩ នេះ CNC មាន២កម្មវិធី ចាប់ពីម៉ោង ២រសៀល និង ម៉ោង ៥,៥០នាទីល្ងាច។ ចំណែកសង្វៀនអាស៊ីអាគ្នេយ៍១កម្មវិធី ចាប់ពីម៉ោង២រសៀល ខណៈសង្វៀន TV5 ១កម្មវិធី ចាប់ពីម៉ោង៦ល្ងាចតទៅ។ ចំពោះសង្វៀនបាយ័នក៏មាន១កម្មវិធីដែរ ចាប់ពីម៉ោង៣រសៀល៕

អត្ថបទ៖ នួន ស៊ីណា