កែបក៏មិនណយដែរឆ្នាំនេះ! សង្រ្កាន្តខេត្តកែប កម្មវិធីសប្បាយៗប្រចាំឆ្នាំ២០១៩ ត្រៀមតែរាំទៅ

2019-04-08 07:29:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីអបអរសាទរពិធីបុណ្យចូលឆ្នាំខ្មែរ ដែលនឹងប្រារព្ធធ្វើឡើងនៅថ្ងៃទី ១៤-១៥ និង ១៦ ខែ មេសា ខាងមុខនេះក្រុមហ៊ុនស្រាបៀរអង្គរ និងភេសជ្ជៈPepsi បាន សហការគ្នាជាមួយអាជ្ញាធរខេត្តកែប រៀបចំកម្មវិធីសង្ក្រាន្តដ៏ធំមួយនៅខេត្តកែប។

សង្គ្រាន្តកែបលើកទីមួយដ៏ធំសម្បើមនេះ មានការប្រគំតន្ត្រីខ្នាតធំ ជាមួយការចូលរួមពីតារាចម្រៀងល្បីៗជាច្រើនរូបប្រចាំព្រះរាជាណាចក្រកម្ពុជា ព្រមទាំងមានកម្មវិធីកម្សាន្តដ៏ច្រើន ដូចជាការតាំងពិព័រណ៍ពាណិជ្ជកម្មដែលមានលក់ផលិតផលជាច្រើនប្រភេទ ការរាំកម្សាន្ត អមដោយការលេងល្បែង ប្រជាប្រិយខ្មែរ ពីសំណាក់ក្រុមយុវជនសសយក ខេត្តកែបផងដែរ។

មិនតែប៉ុណ្ណោះ ក្រៅពីកម្មវិធីរាំកម្សាន្តបែបប្រពៃណី ក៏មានការរាំលេងបែបសម័យនិយម តាមរយៈ DJ ល្បីៗ ជាមួយការរៀបចំឱ្យមានការបាញ់ទឹកបំបាត់ភាពក្តៅស្អុះស្អាប់ក្នុង «តំបន់ត្រជាក់ចិត្ត» ផងដែរ។

អ្វីដែលកាន់តែពិសេសនោះ ក្រុមហ៊ុនក៏បាននាំយកកម្មវិធី ភ្លក់ប៉ិបស៊ី ភ្លក់រសជាតិដ៏អស្ចារ្យ ឬ The Pepsi Taste Challenge ដែលបង្កើតបានជាទស្សនីយភាពមួយទៀត កាន់តែប្លែក កាន់តែសប្បាយ ញ៉ាំងព្រឹត្តិការណ៍ទាំងមូលឱ្យកាន់តែទាក់ទាញ ដោយអ្នកចូលរួមទាំងអស់ នឹងទទួលបានកាដូអនុស្សាវរីយ៍ជាច្រើន ពីការភ្លក់រសជាតិប៉ិបស៊ី និងការលែងហ្គេមកម្សាន្ត។ ដូច្នេះកុំភ្លេចបបួលមិត្តភក្តិ បងប្អូន និងញាតិមិត្តជិតឆ្ងាយទាំងអស់ទៅចូលរួមឱ្យបានច្រើនកុះករ៕

អត្ថបទ៖ ថា ម៉ាលីដា