មកដឹងស៊ីជម្រៅពីជំនាញគ្រប់គ្រង គ្រប់គ្នាស្រមៃចង់រៀនដើម្បីទទួលបានការងារល្អ

2019-05-29 10:11:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តើអ្នកចូលចិត្តធ្វើការងារទំនាក់ទំនងជាមួយមនុស្ស និងចាត់ចែងដែលមានការទទួលខុសត្រូវសំខាន់ៗ មែនទេ? បើអ្នកឆ្លើយថា "មែន” នោះមានន័យថា ជំនាញគ្រប់គ្រង ជាជម្រើសដ៏ល្អបំផុតដែលអ្នកចាប់យកឲ្យបាន។

អ្នកគ្រប់គ្រង មានតួនាទីទទួលខុសត្រូវក្នុងការដឹកនាំក្រុមការងារឆ្ពោះទៅកាន់គោលដៅរួមតែមួយតាមគម្រោង។ ដោយមូលហេតុនេះហើយ កម្មវិធីបណ្ដុះបណ្ដាលការគ្រប់គ្រងនេះ បាន ដាក់បញ្ចូលជំនាញត្រេះរិះស៊ីជម្រៅដែលចាំបាច់សម្រាប់ដោះស្រាយបញ្ហានានា។

ខាងក្រោមនេះ គឺជាគុណសម្បត្តិកំពូលទាំងបី ដែលធ្វើឱ្យជម្រើសនៃការសិក្សាផ្នែកនេះមានភាពទាក់ទាញបំផុត ៖

១. បង្កើតឱកាសអភិវឌ្ឍអាជីពកាន់តែប្រសើរ៖

សិក្សាជំនាញគ្រប់គ្រងមានន័យថា អ្នកនឹងបានបណ្ដុះបណ្តាលជំនាញ ជាអ្នកដឹកនាំ និងវិធីសាស្ត្រ ក្នុងការគ្រប់គ្រង ព្រមទាំងជំនាញច្នៃប្រឌិតផ្សេងៗ ដែលធ្វើឲ្យអ្នកមានឱកាសកាន់តែប្រសើរ និងទទួលបានតួនាទីខ្ពស់នៅកន្លែងធ្វើការ។

នេះក៏ជាហេតុផលដូចគ្នាដែលធ្វើឲ្យ ជំនាញគ្រប់គ្រងនេះ ក្លាយជាជម្រើសដ៏ពេញនិយមបំផុត ក្នុងការបន្តការសិក្សាថ្នាក់អនុបណ្ឌិត សម្រាប់អ្នកក្នុងអាជីពស្រាប់ដែលចង់អភិវឌ្ឍសមត្ថភាពដើម្បីឈោងទៅតំណែងកាន់តែខ្ពស់។

២. សម្បូរឱកាសការងារលើគ្រប់វិស័យ (Variety, variety, variety)៖ តួនាទីក្នុងការគ្រប់គ្រង មិនត្រឹមតែមានតម្រូវការខ្ពស់ក្នុងទីផ្សារគ្រប់វិស័យនោះទេ វាថែមទាំងត្រូវបានគេផ្តល់តម្លៃឲ្យខ្លាំង មិនថាជាអ្នកគ្រប់គ្រងស្ថាប័នតូច ឬធំឡើយ។ ចំណុចនេះហើយដែលធ្វើឲ្យអ្នកកាន់សញ្ញាប័ត្រផ្នែកនេះមានភាពងាយស្រួល និងទទួលបានអត្ថប្រយោជន៍ច្រើនក្នុងជម្រើសអាជីពរបស់គេ មិនថា ក្នុងផ្នែកទីផ្សារ ហិរញ្ញវត្ថុ ធនធានមនុស្សឡើយ សញ្ញាប័ត្រផ្នែកគ្រប់គ្រង នឹងជួយឲ្យអ្នកសម្រេចបានមហិច្ឆតាដែលអ្នកចង់ទៅដល់។

៣. ធ្វើជាចៅហ្វាយខ្លួនឯង (Be your own boss)៖ ជាមួយបទពិសោធន៍ពេញលេញ ចំណេះ និងជំនាញដែលអ្នកទទួលបានពីការសិក្សាជំនាញគ្រប់គ្រង វានឹងធ្វើឲ្យអ្នកកាន់តែងាយស្រួល ក្នុងការស្វែងរកឱកាសចាប់ផ្តើម គ្រប់គ្រង ចាត់ការ និងអភិវឌ្ឍអាជីវកម្មផ្ទាល់ខ្លួន។

គិតទៅវាពិតជាល្អមែនឫ? ឥលូវយើងងាកមកមើល កាន់តែលម្អិត អំពីជម្រើសមុខវិជ្ជាមួយចំនួនដែលគេនិយមរៀន ដើម្បីធ្វើឲ្យការសិក្សាជំនាញគ្រប់គ្រងទទួលបានលទ្ធផលកាន់តែធំធេង៖

១. ជំនាញជំនួញអន្តរជាតិ (International Business)៖ រៀបចំឡើងដើម្បីផ្ដល់នូវទស្សនវិស័យជាសកល និងការយល់ដឹងអំពីវប្បធម៌ទូទាំងពិភពលោក វគ្គសិក្សានេះគឺសម្រាប់អ្នកដែលចង់ធ្វើការងារពាក់ព័ន្ធក្នុងវិស័យគ្រប់គ្រងអន្តរជាតិ។ តាមរយៈកិច្ចពិភាក្សាការជជែកវែកញែក និងឱកាសដកពិសោធន៍ ពីអាជីវកម្មជាច្រើនដោយផ្ទាល់ នៅក្នុងវប្បធម៌ផ្សេងៗ អ្នកសិក្សា នឹងត្រូវបំពាក់ជំនាញ និងចំណេះដឹងក្នុងការគ្រប់គ្រងក្រុមហ៊ុន ដែលធ្វើអាជីវកម្មនៅប្រទេសជាច្រើន។

អាជីពអនាគតសម្រាប់អ្នកសិក្សាជំនាញនេះ មានដូចជា អ្នកវិភាគ អាជីវករ ប្រធានគ្រប់គ្រងធនធានមនុស្ស ប្រធានគ្រប់គ្រងម៉ាកផលិតផល ឬ ស្លាកយីហោ គ្រូបណ្ដុះបណ្ដាលជាដើម។ សម្រាប់បុគ្គលិកអាជីពដែលគិតចង់អភិវឌ្ឍជំនាញខ្លួនឯង ការសិក្សាថ្នាក់អនុបណ្ឌិតផ្នែកពាណិជ្ជកម្មអន្តរជាតិ ក៏មានផ្ដល់ជូនដោយ Grenoble Ecole de Management France ផងដែរ។

នេះគឺជាថ្នាក់កម្រិតខ្ពស់ នៃកម្មវិធីសិក្សា មុខវិជ្ជារដ្ឋបាលអាជីវកម្ម ដែលសិក្សាពីទស្សនវិស័យអន្តរជាតិ។ កម្មវិធីនេះផ្ដោតលើចំណេះដឹងសំខាន់ ដែលអ្នកគ្រប់គ្រងត្រូវមានក្នុងវិស័យផ្សេងៗដើម្បីធ្វើការក្នុងក្រុមហ៊ុនអន្តរជាតិធំៗ។

អនុបណ្ឌិតពាណិជ្ជកម្មអន្តរជាតិ នឹងផ្តល់នូវបរិយាកាសសិក្សាបែបអន្តរជាតិពិតៗ និងវប្បធម៌សម្បូរបែប ជាមួយការសិក្សាជាភាសាបរទេស ដែលធ្វើឲ្យសិស្សនិស្សិតបញ្ចប់ការសិក្សាជាមួយការយល់ដឹងស៊ីជម្រៅពីអន្តរវប្បធម៌ ដែលមានសក្ដានុពលទាក់ទាញចំពោះនិយោជកជុំវិញពិភពលោក។

២. ទេសចរណ៍ និងបដិសណ្ឋារកិច្ច (Tourism & Hospitality)៖

ក្នុងយុគសម័យដ៏រីកចម្រើន និងពោរពេញដោយការច្នៃប្រឌិតខ្ពស់ សមត្ថភាពក្នុងជំនាញគ្រប់គ្រងទេសចរណ៍ និងបដិសណ្ឋារកិច្ចបានក្លាយជាគុណសម្បត្តិដ៏លេចធ្លោមួយ ដែលផ្ដល់ឲ្យអ្នកនូវជំនាញចាំបាច់សំខាន់ៗជាច្រើន ព្រមជាមួយជំនាញគ្រប់គ្រងអាជីវកម្ម និងការយល់ដឹងពីសក្ដានុពលនៃឧស្សាហកម្មទេសចរណ៍។

សញ្ញាប័ត្រនេះមានគោលបំណងបញ្ចូលនូវការហ្វឹកហ្វឺនជាក់ស្ដែងជាមួយនឹងការអប់រំដ៏ទូលំទូលាយ សម្រាប់មេដឹកនាំនាពេលអនាគតក្នុងវិស័យនេះ និងអ្នកដែលចាប់អារម្មណ៍ក្នុងការចាប់ផ្ដើមអាជីពជាមួយក្រុមហ៊ុនអន្តរជាតិធំ ៗ ដូចជា រមណីយដ្ឋាន ភោជនីយដ្ឋាន និងសណ្ឋាគារ។

៣. ទំនាក់ទំនង អន្តរជាតិ (International Relation) ៖ ទំនាក់ទំនងអន្តរជាតិ មិនមែនសុទ្ធតែជាការងារសម្រាប់តែរដ្ឋប៉ុណ្ណោះទេ ប៉ុន្តែក៏មានតួនាទីអន្តរជាតិសំខាន់ផ្សេងៗទៀតជាច្រើនផងដែរ ដូចជា ការងារក្នុងអង្គការអន្តរជាតិ ក្រុមហ៊ុនសាជីវកម្មអន្តរជាតិ ការងារសង្គមស៊ីវិល និងបណ្ដាញភេរវជនជាដើម។

កម្មវិធីនេះនឹងផ្សារភ្ជាប់អ្នកជាមួយនឹងរាល់បញ្ហាពាក់ព័ន្ធនឹងកិច្ចសហប្រតិបត្តិការអន្តរជាតិនានា។ និស្សិតនឹងទទួលបាននូវការយល់ដឹងស៊ីជម្រៅច្បាស់លាស់ អំពីអក្សរសិល្ប៍ប្រើប្រាស់ និងទ្រឹស្តីសំខាន់ៗនៅក្នុងវិស័យទំនាក់ទំនងអន្តរជាតិ។

និស្សិតបញ្ចប់ការសិក្សាអាចទទួលបានតួនាទីដូចជា អ្នកវិភាគអាជីវកម្ម អ្នកសារព័ត៌មាន និងអ្នកសិក្សាស្រាវជ្រាវក្នុងអង្គការអន្តរជាតិ អង្គការមិនមែនរដ្ឋាភិបាល ក្រុមមេគំនិត (think-tanks) និងការងារទំនាក់ទំនងផ្នែកទីផ្សារនៅក្នុងវិស័យពាណិជ្ជកម្ម និងប្រព័ន្ធផ្សព្វផ្សាយជាដើម។

៤. ភស្តុភារ និងការគ្រប់គ្រងខ្សែសង្វាក់ផ្គត់ផ្គង់ (Logistics & Supply Chain Management)៖

ឧស្សាហកម្មដឹកជញ្ជូន និង ពាណិជ្ជកម្មបច្ចុប្បន្នទាមទារភាពឯកទេស និងការប្រកួតប្រជែងកាន់តែខ្លាំងឡើង ជាមួយតម្រូវការខ្ពស់ចំពោះនិស្សិតបញ្ចប់ការសិក្សាដែលមានបទពិសោធន៍ផ្នែកអាជីវកម្ម ហើយយល់ពីវប្បធម៌ផ្សេងៗគ្នា មានជំនាញគ្រប់គ្រងគម្រោង និងជំនាញចរចាយ៉ាងរឹងមាំ។

និស្សិតបញ្ចប់ការសិក្សា នឹងត្រូវបានបំពាក់ដោយជំនាញ និងការយល់ដឹងទូលំទូលាយ ពីការទំនាក់ទំនងគ្នាទៅវិញទៅមក នៃបញ្ហាភ័ស្តុភារសកល កម្រិតមូលដ្ឋាន និង ក្នុងតំបន់។ សញ្ញាប័ត្រនេះនឹងធ្វើឲ្យនិស្សិតកាន់តែមានជំនាញ និងទំនុកចិត្តក្នុងការដោះស្រាយបញ្ហាប្រឈមនានា នៃការប្រែប្រួលយ៉ាងឆាប់រហ័សក្នុងវិស័យដឹកជញ្ជូនភាវូបនីយកម្ម និងសង្វាក់ផ្គត់ផ្គង់។

ការធ្វើបច្ចុប្បន្នភាពជាទៀងទាត់ដើម្បីស្ថិតនៅពីមុខនៃនិន្នាការ និងការផ្លាស់ប្តូរជារឿយៗ វគ្គសិក្សានីមួយៗនេះបានមកពីសាកលវិទ្យាល័យល្បីឈ្មោះនៅចក្រភពអង់គ្លេសដូចជា ៖

សាកលវិទ្យាល័យ នៃទីក្រុងឡុង ៖ ជាសាកលវិទ្យាល័យចំណាស់ និងមានកិត្យានុភាពមួយជួរមុខគេលំដាប់ពិភពលោក ដែលមានប្រវត្តិតាំងពីឆ្នាំ ១៨៣៦។
សាកលវិទ្យាល័យ បឺមីនហែម (Birmingham) ៖ ជាប់ជាសាកលវិទ្យាល័យប្រចាំឆ្នាំ “University of the Year for Graduate Employment” ។ យោងតាម [The Times និង Sunday Times Good University Guide, 2016]។
សាកលវិទ្យាល័យ វ័រវីក (Warwick) ៖ ជាសាកលវិទ្យាល័យជាប់ចំណាត់ថ្នាក់លេខ ៥១ ក្នុងតារាងសាកលវិទ្យាល័យល្អបំផុតរបស់ពិភពលោក។ យោងតាម QS World University Rankings, 2016-2017។

ឥលូវនេះ អ្នកមិនចាំបាច់ធ្វើដំណើរទៅប្រទេសឆ្ងាយៗដើម្បីបន្តការសិក្សាដែលអ្នកប្រាថ្នាចង់រៀនឡើយ ព្រោះវិទ្យាស្ថានគ្រប់គ្រងសិង្ហបុរី Singapore Institute of Management -SIM GEបានចាប់ដៃគូជាមួយសាកលវិទ្យាល័យល្បីឈ្មោះទាំងនេះ ដើម្បីនាំយកកម្មវិធីសិក្សាមកកាន់សិង្ហបុរី។

ជាបេះដូងនៃទ្វីបអាស៊ី ហេដ្ឋារចនាសម្ព័ន្ធលំដាប់ពិភពលោករបស់សិង្ហបុរី នឹងធ្វើឲ្យដំណើរនៃការសិក្សារបស់អ្នកកាន់តែប្រសើរ និងសម្បូរបែប។ ក្រោយបញ្ចប់ការសិក្សា អ្នកនឹងត្រូវបំពាក់ដោយសមត្ថភាព និងកាន់សញ្ញាប័ត្រមួយដែលមានការទទួលស្គាល់ជាលក្ខណៈអន្តរជាតិទូទាំងពិភពលោក ដែលផ្តល់ដោយសាកលវិទ្យាល័យល្បីឈ្មោះ ដែលទាំងអស់នេះជាអ្វីដែលអ្នកត្រូវការបំផុតដើម្បីឈោងចាប់អាជីពដ៏ជោគជ័យមួយ៕