Ole និងថ្នាក់ដឹកនាំ Man Utd មានគំនិតផ្ទុយគ្នាស្រលះរឿងទុក Herrera

2019-07-08 11:33:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើអេស្ប៉ាញកីឡាករ Ander Herrera បាននិយាយប្រាប់សារព័ត៌មាន Marca ជាលើកដំបូងក្នុងនាមជាកីឡាករ Paris Saint-Germain ថា ថ្នាក់ដឹកនាំក្លឹប Manchester United មកយឺតមួយជំហាន ទើបបណ្ដាលឲ្យរូបគេចាកចេញទៅប្រទេសបារាំង ដោយគ្មានតម្លៃខ្លួន។

កីឡាកររូបនេះបាននិយាយថា៖ " ខ្ញុំមិនចូលចិត្តក្រឡេកមើលអតីតកាលទេ ប៉ុន្តែមានភាពខុសគ្នាច្រើនទាក់ទងនឹងគម្រោង និងសារៈសំខាន់របស់ខ្ញុំនៅក្នុងក្រុម។ ខ្ញុំក៏សប្បាយចិត្តណាស់ដែរ ហើយខ្ញុំក៏អរគុណក្លឹប អ្នកគាំទ្រ ហើយរួមទាំង Solskjaer ផង " ។

Herrera បានបន្តថា៖ " Solskjaer បានធ្វើរឿងច្រើនណាស់ ដើម្បីឲ្យខ្ញុំបន្ត ប៉ុន្តែអ្វីៗមិនអាចកើតឡើង។ ពួកគេ (ថ្នាក់ដឹកនាំក្លឹប Manchester United) មកយឺតពេល ហើយខ្ញុំបានសម្រេចចិត្តទៅលេងនៅ PSG បាត់ទៅហើយ " ។

បើតាមសារព័ត៌មាន Goal បានឲ្យដឹងថា Solskjaer ចង់ទុក Herrera ក្នុងក្រុមណាស់ ប៉ុន្តែខាងក្លឹបបដិសេធ ព្រោះមិនយល់ព្រមក្នុងការផ្ដល់ប្រាក់ឈ្នួលជាង ៤៤ម៉ឺនដុល្លារ ក្នុងមួយសប្ដាហ៍តាមសំណើរបស់កីឡាករអេស្ប៉ាញបានទេ៕

ប្រភព៖ Goal | Marca អត្ថបទ៖ សេរី មង្គល