Galaxy Tab S6 រំពឹងបង្កប់មុខងារពិសេសមួយ មិនទាន់មានថេបប្លែតណាធ្វើដូច
- 2019-07-12 01:22:53
- ចំនួនមតិ 0 | ចំនួនចែករំលែក 0
Galaxy Tab S6 រំពឹងបង្កប់មុខងារពិសេសមួយ មិនទាន់មានថេបប្លែតណាធ្វើដូច
ចន្លោះមិនឃើញ
កាលពីឆ្នាំ ២០១៨ ក្រុមហ៊ុន Apple បានប្រកាស iPad Pro មានប្រើប្រាស់មុខងារស្កេនផ្ទៃមុខ 3D Face ដែលមិនទាន់មានលើថេបប្លែតណាៗទាំងអស់។ យ៉ាងណាមិញសម្រាប់ Samsung ឆ្នាំនេះក៏ត្រូវបានគេរាយការណ៍ថាមានផែនការណ៍ប្រជែងគូសត្រូវយក្សតាមរយៈការបំពាក់នូវមុខងារពិសេស។
ប្រភពពី 91Mobiles បានចុះផ្សាយថា Galaxy Tab S6 របស់ក្រុមហ៊ុន Samsung នឹងក្លាយជាថេបប្លែតដំបូងបង្អស់ក្នុងលោកមានបំពាក់នូវមុខងារស្កេនខ្ចៅដៃបង្កប់ក្រោមអេក្រង់។ ចំណុចនេះមិនទាន់មានការបកស្រាយ តើក្រុមហ៊ុនកូរ៉េខាងត្បូងនឹងប្រើប្រាស់ Sensor ជាប្រភេទ Ultrasonic ដូចមានលើសេរ៊ី Galaxy S10 ឬប្រភេទ Optical ធម្មតា។
ចំណុចខ្លាំងផ្សេងទៀតដែល Tab S6 មាន គឺការបំពាក់អេក្រង់ OLED ដែលជាការមានប្រៀបលើគូប្រជែងជាច្រើន។ ប្រភពខាងលើសង្កត់ធ្ងន់ថេបប្លែតនេះនឹងបំពាក់នូវបន្ទះឈីប Qualcomm Snapdragon 855 ដូចជំនាន់មុន អមជម្រើស RAM 6/8GB និងអង្គផ្ទុកបីជម្រើសមាន 128/256/512GB បន្សំការគាំទ្រ microSD ផងដែរ។
ចំពោះផ្នែកកាមេរ៉ាខាងក្រោយ ២ គ្រាប់មួយទំហំ 13MP និងទីពីរ 5MP ប្រភេទ Utra-Wide និងកាមេរ៉ាមុខ 8MP។ ធុននេះក៏ទំនងជាប្រើឧបករណ៍សំឡេងប្រភេទ AKJ ចំនួន ៤ គ្រាប់និងមានថាមពលថ្មកាន់បានយូរដល់ ១៥ ម៉ោង បូកផ្សំការសាកថ្មឥតខ្សែ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
មកមើលអាហារឆ្ងាញ់ៗបុគ្គលិក ញ៉ាំ Free នៅក្រុមហ៊ុន Apple និង Facebook
ក្រុមហ៊ុនទូរគមនាគមន៍យក្សវៀតណាម នឹងតេស្ត 5G នៅភ្នំពេញឆាប់ៗ!