• អត្ថបទ៖ Vayo
• សហការជាមួយ wapatoa.com

មិនបាច់ដល់ទៅរៀននៅសាលា ទើបអាចបង្កើតស្នាដៃស្អាតៗនោះទេ។ នៅទីនេះ យើងមានឧបករណ៍ជាច្រើនសម្រាប់ឲ្យអ្នកច្នៃ គ្រាន់តែត្រូវការពេលរៀនប្រើបន្តិចប៉ុណ្ណោះ!

Canva (ខាន់វ៉ា)

ជាវ៉ិបសាយឧបករណ៍ច្នៃម៉ូដក្រាហ្វិកសម្រាប់មនុស្សទូទៅ។ ស្រួលប្រើ ហើយមានទម្រង់ដែលគេធ្វើហើយមកស្រេច មានដូចជាជីវប្រវត្តិសង្ខេប រូបសម្រាប់បង្ហោះក្នុងបណ្តាញសង្គម ប័ណ្ណប្រកាស ខិតប័ណ្ណផ្សព្វផ្សាយជាដើម… ហើយក៏មានពុម្ពអក្សរ រូប និងម៉ូដផ្សេងៗរាប់ពាន់រាប់ម៉ឺនប្រភេទទៀតផង!!

https://www.canva.com

Prezi (ប្រេស៊ី)

ជាកម្មវិធីធ្វើបទបង្ហាញដែលឡូយ ហើយ ស្អាតត្រជាក់ភ្នែក។ អ្នកអាចប្រើឲ្យវាបង្រួមចូល ពង្រីកចេញ ហើយផ្លោះពីទំព័រមួយទៅ ទំព័រមួយតាមចិត្តចង់!

https://prezi.com

Info.gram (អុីនហ្វូក្រាម)

ជាកម្មវិធីសម្រាប់បង្កើតគំនូរពត៌មាន (infographic) ផែនទី និងក្រាបផ្សេងៗ។ ត្រូវម៉ាច់តែម្តង សម្រាប់អ្នកដែលកំពុងសរសេររបាយការណ៍ ហើយចង់បង្ហាញទិន្នន័យរបស់ខ្លួន ក្នុងរូបភាពធ្វើយ៉ាងណាឲ្យគេស្រួលយល់ និងចាប់អារម្មណ៍។ សន្យាថាអ្នកនឹងទទួលបានលទ្ធផលដែលស្អាត ងាយប្រើ និងខុសគេជាមិនខាន!

https://infogram.com/

Coolors (ឃូលឺស)

កំពុងរកមើលថាតើពណ៌ណាស៊ីជាមួយពណ៌ណា សម្រាប់ការច្នៃម៉ូដរបស់អ្នក? សាកប្រើវ៉ិបសាយនេះមើល!

https://coolors.co/

Dribble (ឌ្រីបបល)

ជាសហគមន៍មួយសម្រាប់អ្នកច្នៃម៉ូដមកពីគ្រប់ប្រទេស។ អ្នកអាចស្វែងរកគំនិតថ្មីៗពីទីនេះ ឬអាចបង្ហាញស្នាដៃអ្នកទៀតផង!

https://dribbble.com/

Behance (បុីហេន្ស)

ជាវេទិកានៅលើអុីនធឺណែត សម្រាប់ឲ្យអ្នកច្នៃម៉ូដ និងសិល្បករនៅពាសពេញពិភពលោកបង្ហាញ និងស្វែងរកស្នាដៃផ្សេងៗ។ ឥលូវ យើងឃើញថាសិល្បករក្មេងៗខ្មែរចូលចិត្តប្រើប្រាស់វ៉ិបសាយនេះច្រើនគួរសមដែរ។

https://www.behance.net

Freepik (ហ្វ្រុីភីក)

មានរូប vector, PSD, និង icon ឥតគិតថ្លៃជាងមួយលានរូបឯណោះ!

https://www.freepik.com/

អត្ថបទនេះ គឺមកពីវ៉ិបសាយវប្បធម៌ Wapatoa.com ជាវិបសាយ​ផ្តោត​លើ​ចំណេះ​ដឹង​ចិត្ត​វិទ្យា សិល្បៈ និងការ​អភិវឌ្ឍ​ខ្លួន

បើចង់អានអត្ថបទល្អៗដូចនេះទៀត សូមចូលទៅកាន់៖ wapatoa.com