បច្ចេកវិទ្យាទំនើបសម្រាប់សណ្ឋាគារឥលូវនៅស្រុកខ្មែរក៏មានដែរ

2019-07-19 10:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោកអ្នកដែលធ្លាប់ធ្វើដំណើរកម្សាន្តនៅក្រៅប្រទេសប្រហែលជាធ្លាប់ដឹងហើយថាការកក់បន្ទប់ឬការរកព័ត៌មានពីសណ្ឋាគាររបស់គេនីមួយៗស្រួលប៉ុណ្ណា។ សណ្ឋាគារទាំងអស់នោះភាគច្រើនប្រើបច្ចេកវិទ្យាបដិសណ្ឋារកិច្ចទំនើបៗ ដើម្បីបម្រើសេចក្ដីត្រូវការរបស់ភ្ញៀវបានយ៉ាងល្អ។

ឥលូវមិនចាំបាច់រកកម្មវិធីទំនើបទាំងអស់នោះនៅខាងក្រៅប្រទេសទៀតទេ។ កាលពីថ្ងៃទី ១៦ កក្កដា ២០១៩ កន្លងទៅនេះក្រុមហ៊ុន Ubicomp និងeCam Solution បានសហការគ្នានាំយកកម្មវិធី Qikinn មកដាក់ឲ្យប្រើប្រាស់នៅក្នុងប្រទេសកម្ពុជាហើយ។

Qikinn Application Suite ជាកម្មវិធីដែលអាចឲ្យភ្ញៀវកក់បន្ទប់ ចូលទៅមើលបន្ទប់ជាមុន និងធ្វើការ Check-in, Check-out តាមប្រព័ន្ទអេឡិចត្រូនិកទុកជាមុនបានយ៉ាងឆាប់រហ័សនិងងាយស្រួលទៀតផង។ មិនតែប៉ុណ្ណោះដំណើរការទាំងអស់សុទ្ធតែនៅលើប្រព័ន្ធអេឡិចត្រូនិក ស័ក្តិសមនឹងការរស់នៅរបស់មនុស្សសម័យថ្មី ដែលធ្វើឲ្យភ្ញៀវនិងសណ្ឋាគារអាចទាក់ទងគ្នាបានកាន់តែងាយស្រួលនិងឆាប់រហ័ស មិនថាមុនឬក្រោយពេលស្នាក់នៅនោះទេ។

កម្មវិធី Qikinn ផ្តល់ជូនភាពងាយស្រួលដល់បណ្ដាសណ្ឋាគារដៃគូនានា ឲ្យសម្រេចបាននូវឱកាសអាជីវកម្មខ្ពស់ បង្កើនទំនុកចិត្តនិងប្រាក់ចំណូល ហើយជួយកាត់បន្ថយការចំណាយទៅលើភ្នាក់ងារទេសចរណ៍អនឡាញ៍ផ្សេងៗថែមទៀតផង។

បើតាមការលើកឡើងរបស់លោក Harbans Singh នាយកគ្រប់គ្រង Ubicomp System “យើងរីករាយនឹងធ្វើជាដៃគូអាជីកម្មជាមួយ eCam នៅកម្ពុជា ដែលជាក្រុមហ៊ុននាំមុខមួយក្នុងតំបន់ លើវិស័យបដិសណ្ឋារកិច្ច។ កម្មវិធី Qikinn នឹងជួយឲ្យម្ចាស់អាជីវកម្មសណ្ឋាគារភ្ជាប់ទំនាក់ទំនងទៅកាន់ភ្ញៀវបានកាន់តែងាយស្រួល។ជាក់ស្ដែងយើងបានឃើញពីគុណភាពតាមរយៈការដាក់ប្រើប្រាស់ក្នុងប្រទេសជាច្រើនផ្សេងទៀតលើពិភពលោករួចមកហើយ។”

លោកបញ្ជាក់បន្ថែមទៀតផងដែរថា “eCam ជាក្រុមហ៊ុនដែលមានការទទួលស្គាល់និងទំនុកចិត្តខ្ពស់ពីម្ចាស់អាជីវកម្មនៅកម្ពុជា។ ការសហការអាជីវកម្មលើកនេះ យើងមើលឃើញថាជាការភ្ជាប់យុទ្ធសាស្រ្តទំនាក់ទំនងមួយដែលអាចនឹងជួយបង្កើនសក្ដានុពលដល់ក្រុមហ៊ុនទាំងពីរដើម្បីសម្រេចសមិទ្ធិផលផ្សេងទៀត។”

ជាមួយគ្នានេះដែរ លោក Vithou Pen នាយកគ្រប់គ្រងក្រុមហ៊ុន eCam Solution ក៏បានលើកឡើងពី Ubicomp ដែរថា “Ubicomp ជាក្រុមហ៊ុននាំមុខផ្នែកបច្ចេកវិទ្យាបដិសណ្ឋារកិច្ច។ សមិទ្ធិផលពិសេសៗដូចជាការស្ថាបនាកម្មវិធី Qikinnនិងនាំយកកម្មវិធីនេះមកប្រើប្រាស់នៅកម្ពុជា ជួយឲ្យម្ចាស់អាជីវកម្មសណ្ឋាគារភ្ជាប់ទំនាក់ទំនងទៅកាន់ភ្ញៀវតាំងពីមានការកក់ដំបូងរហូតដល់ក្រោយការស្នាក់នៅ។ តាមរយៈការចាប់ដៃគូសហការលើកនេះ យើងមើលឃើញពីទំហំផលប្រយោជន៍រួមមួយក្នុងការពង្រីកនិងពង្រឹងទីផ្សារផ្ដល់សេវាកម្មនិងដំណោះស្រាយលើវិស័យបដិសណ្ឋារកិច្ច។ យើងរីករាយនឹងការចាប់ដៃគូសហការលើកនេះនិងរំពឹងថា Qikinn នឹងក្លាយជាសេវាកម្មបដិសណ្ឋារកិច្ចដែលល្អជាងគេទាំងនៅប្រទេសកម្ពុជានិងប្រទេសជិតខាង។”

អំពី Ubicomp System Sdn Bhd

ជាក្រុមហ៊ុនស្តង់ដា MSC(Multimedia Super Corridor) ដែលបានស្ថាបនាកម្មវិធី Qikinn ដែលនាំមុខគេលើវិស័យបច្ចេកវិទ្យាបដិសណ្ឋារកិច្ចប្រចាំប្រទេសម៉ាឡេស៊ី ដែលផ្ដល់ទាំងសេវាកម្មនិងដំណោះស្រាយដល់ក្រុមហ៊ុនជាសម្ព័ន្ធទៀតផង។

ព័ត៌មានបន្ថែមទាក់ទងនឹង UbiQ Global Solutions សូមចូលទៅកាន់ Ubicomp System Sdn Bhd

អំពី eCam Solution Company Limited

ក្រុមហ៊ុន eCam Solution Company Limited បានដំណើរការក្នុងប្រទេសកម្ពុជាតាំងពីថ្ងៃទី ០១ ខែសីហា ឆ្នាំ២០១៤ មកម្ល៉េះដែលជាក្រុមហ៊ុនក្នុងស្រុកផ្គត់ផ្គង់ផ្នែក Systems Integration (IT Solution) ។ គួរកត់សម្គាល់ផងដែរថា eCam Solution ស្ថាបនាដំបូងដោយមានបុគ្គលិកត្រឹមតែ ៤នាក់ប៉ុណ្ណោះក្នុងការប្រតិបត្តិការងារ។ ពីមូយឆ្នាំទៅមួយឆ្នាំ eCam Solution បានរីកចម្រើនយ៉ាងឆាប់រហ័សដែលមកដល់ពេលនេះ មានបុគ្គលិកសម្រាប់ប្រតិបត្តិការងាររហូតដល់ ៨០នាក់ឯណោះ។ eCam Solution ផ្ដល់ជូននូវសេវាកម្មបច្ចេកវិទ្យាក្នុងឧស្សាកម្មដួចជា Hospitality, Financial Institutions, Telecommunication, Conglomerates/MNC, and some other industry verticals។ ព័ត៌មានបន្ថែមសូមចូលទៅកាន់eCam Solution

អត្ថបទ៖ Sokchea Heng