ញាក់សាច់! Moonton រៀបចំការប្រកួតជើងឯកពិភពលោកប្រាក់រង្វា់ ២៥ម៉ឺនដុល្លារអាមេរិក
- 2019-07-23 07:11:22
- ចំនួនមតិ 0 | ចំនួនចែករំលែក 0
ញាក់សាច់! Moonton រៀបចំការប្រកួតជើងឯកពិភពលោកប្រាក់រង្វា់ ២៥ម៉ឺនដុល្លារអាមេរិក
ចន្លោះមិនឃើញ
ក្រុមហ៊ុន Moonton បានបង្កើតការប្រកួតកីឡាអេឡិចត្រូនិចជើងឯកពិភពលោកមួយគឺ Mobile Legends: Bang Bang នៅចុងឆ្នាំនេះ ដែលវាជាព្រឹត្តិការណ៍មិនធ្លាប់មាន ប្រាក់រង្វាន់ដល់២៥ម៉ឺនដុល្លារឯណោះ។
លោក Justin Yuang នាយកប្រតិបត្តិ និងជាសហស្ថាបនិកក្រុមហ៊ុន Moonton បាននិយាយក្នុងសុន្ទរកថា «ក្រុមការងារជាសកលរបស់យើងបានកំពុងកែលម្អតម្រូវតាមទីផ្សារ និងឲ្យស្របទៅនឹងបច្ចេកវិទ្យាទំនើបចុងក្រោយ ដើម្បីធ្វើឲ្យយើងងាយស្រួលផ្តល់ជូនដល់អ្នកលេងកាន់តែងាយស្រួល ហើយទទួលបានលទ្ធលគួរជាទីពេញចិត្ត»។ អ្វីដែលកាន់តែពិសេសនោះគឺការប្រកាសរៀបចំការប្រកួតអន្តរជាតិធំមិនធ្លាប់មានគឺ Mobile Legends: Bang Bang World Championship ដែលគ្រោងធ្វើនៅថ្ងៃទី១១ ដល់ទី១៧ ខែវិច្ឆិកា ឆ្នាំ២០១៩នៅទីលាន Axiata Arena ក្នុងទីក្រុងកូឡាឡាំពួរ ប្រទេសម៉ាឡេស៊ី។
រដ្ឋមន្ត្រីយុវជន និងកីឡាប្រទេសម៉ាឡេស៊ី លោក Syed Saddiq bin Syed Abdul Rahman មានប្រសាសន៍ថា ៖«កីឡាអេឡិចត្រូនិកមានសក្កានុពលខ្លាំងដែលមានចរន្តទឹកប្រាក់រាប់លានដុល្លារអាមេរិកដែលជាផ្នែកមួយជួយជំរុញដល់កំណើតសេដ្ឋកិច្ចប្រទេសម៉ាឡេស៊ី និងអរគុណដល់ ក្រុមអរគុណដល់ MOONTON ដែលបានជួយដល់ពួកយើងដើរលើផ្លូវពិភពលោកតាមរយៈការប្រកួតជើងឯកពិភពលោក Bang Bang World Championship»។
ការប្រកួត Mobile Legends: Bang Bang World Championship នៅចុងឆ្នាំនេះ នឹងមានក្រុមចូលរួម១៦ក្រុម មកពីបណ្ដាប្រទេស១៤ផ្សេងគ្នា។ ដោយការប្រកួតនោះ ក៏នឹងមាន Live ផ្ទាល់នៅលើ Youtube ផងដែរ៕