មកដឹងតម្លៃម៉ូតូថ្មី GPX POPz កម្លាំងម៉ាស៊ីនអាចស៊ីសងជាមួយ Honda SuperCub
- 2019-08-20 02:05:31
- ចំនួនមតិ 0 | ចំនួនចែករំលែក 0
មកដឹងតម្លៃម៉ូតូថ្មី GPX POPz កម្លាំងម៉ាស៊ីនអាចស៊ីសងជាមួយ Honda SuperCub
ចន្លោះមិនឃើញ
កាលពីថ្ងៃទី ១៩ ខែសីហាឆ្នាំ២០១៩ ក្រុមហ៊ុនម៉ូតូថៃដ៏ល្បីល្បាញ GPX បានធ្វើពិធីប្រកាសបង្ហាញម៉ូឌែលថ្មីចុងក្រោយចំនួន ៤ មានដូចជា GPX POPz 125cc, GPX Raptor 180cc, GPX Demon និង GPX Legend Gentlemen ជាដើម។
ក្នុងចំណោមម៉ូតូទាំងនោះ អ្វីដែលគួរចាប់អារម្មណ៍ជាងគេគឺ GPX POPz 125cc ជាមួយនឹងការរចនាប្លែកភ្នែក ជាម៉ូតូតូចកម្លាំងម៉ាស៊ីន ១២៥ សេសេដំបូងបំផុតក្នុងស្រឡាយ GPX ដោយរូបរាងខាងក្រៅមើលមួយភ្លែតស្រដៀង Honda SuperCub។
GPX POPz ម៉ាស៊ីន ១២៥ សេសេប្រើប្រាស់ប្រភេទកុងទ័រ ពាក់កណ្ដាលឌីជីថលបែបថ្មី ចង្កឹះលេខ ៤ វគ្គ(មានដុំដេរ និងម៉ារូវេន សម្រាប់បញ្ជេះដូចគេដូចឯងដែរ) ប្រើប្រាស់ប្រព័ន្ធសាំងផ្ទាល់ចេញពីក្រុមហ៊ុនគឺ GPX-FI, ចង្កៀងបំភ្លឺផ្លូវខាងមុខជាប្រភេទ Full LED បំពាក់ដោយបូមភ្លោះថ្មី និងជាពិសេសហ្វ្រាំងមុខ-ក្រោយជាប្រភេទហ្វ្រាំងថាសដូចទៅនឹងម៉ូតូធំរបស់ GPX ដទៃដែរ។
សម្រាប់តម្លៃ ត្រូវបានប្រភពពីសារព័ត៌មានប្រទេសថៃបានលើកឡើងថា ខ្ទង់ប្រមាណជា ៤១៥០០ បាត(១៣០០ ដុល្លារ)។ រីឯពណ៌ម៉ូតូវិញ គឺចម្រុះភ្នែកមានដល់ទៅ ៦ ឯណោះ។
តាមការបញ្ជាក់ពីខាងតំណាងចែកចាយ GPX Cambodia បានបង្ហើបថា ម៉ូតូទាំងប៉ុន្មានម៉ូឌែលថ្មីនោះ នឹងបង្ហាញមុខនៅទឹកដីកម្ពុជាឆាប់ៗខាងមុខនេះ៕
អត្ថបទទាក់ទង៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
