ស្មាតហ្វូនចិនជោគជ័យខ្លាំង រុញ Apple ធ្លាក់មកចំណាត់ថ្នាក់ទី ៤

2019-08-20 05:07:31
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ទីផ្សារនាំចេញស្មាតហ្វូននៅត្រីមាសទី ២ ឆ្នាំ ២០១៩ បង្ហាញឲ្យឃើញថាក្រុមហ៊ុន Apple បានធ្លាក់ចុះមកចំណាត់ថ្នាក់ទី ៤ ហើយ ក្រោយក្រុមហ៊ុនស្មាតហ្វូនចិនបន្តទទួលបានភាពជោគជ័យឥតស្រាកស្រាន្ត។

ក្នុងត្រីមាសទី ២ ឆ្នាំ ២០១៩ របាយការណ៍ពី IHS បង្ហាញថាក្រុមហ៊ុន Samsung នាំចេញស្មាតហ្វូនប្រមាណ ៧៥,១ លានគ្រឿង ក្ដោបក្ដាប់ចំណែកទីផ្សារ ២៣ ភាគរយ ស្របពេល Huawei បន្តឈរលេខ ២ មាន ៥៨,៧ លានគ្រឿង ស្មើ ១៨ ភាគរយ ខណៈ Oppo ឡើងមកលេខ ៣ បាន ៣៦,២ លានគ្រឿងស្មើនឹង ១១ ភាគរយ។

ក្រុមហ៊ុន Apple បានធ្លាក់ចុះពី ៤៣,៨ លានគ្រឿង មកសល់ត្រឹម ៣៥,៣ លានគ្រឿងឈរនៅចំណាត់ថ្នាក់ទី ៤ ស្របពេល Xiaomi ក៏បន្តកើនឡើងពី ២៧,៥ លានមក ៣១,៩ លានគ្រឿងនៅលេខ ៥។

បញ្ជាក់ថាក្រុមហ៊ុនយក្សអាមេរិក Apple ហាក់មានការធ្លាក់ចុះការលក់តាំងពីជំនាន់ចេញលក់ iPhone XS/XS Max និង iPhone XR ខុសពីកំណើននៃភាពជោគជ័យរបស់ក្រុមហ៊ុន Huawei, OPPO, Vivo និង Xiaomi៕

អានអត្ថបទ:

ប្រភព៖ PhoneArena ប្រែសម្រួល៖ កៅ រក្សា