Shawn Mendes និងមិត្តជិតស្និទ្ធ Camila ត្រៀមចាប់ដៃគ្នាឡើងកម្មវិធី VMAs

2019-08-22 09:33:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Shawn Mendes និងមិត្តជិតស្និទ្ធ Camila នឹងត្រៀមឡើងសម្ដែងបទល្បីរបស់ខ្លួន «Senorita» ក្នុងកម្មវិធី Video Music Awards នាថ្ងៃច័ន្ទ សប្ដាហ៍ក្រោយ នៅពហុកីឡដ្ឋាន Prudential ក្នុងទីក្រុង Newark នៃរដ្ឋ New Jersey សហរដ្ឋអាមេរិក នេះបើយោងតាម MTV។

MTV ក៏បានប្រកាសនៅក្នុង Twitter ថាម្ចាស់បទ «Senorita» ទាំងពីរនាក់នេះនឹងទទួលបានពានរង្វាន់មួយចំនួនពីកម្មវិធីផងដែរ។

Camila Cabello ទទួលបានឈ្មោះក្នុងតារាងរហូតដល់ទៅ ៥ តារាងខុសគ្នា ដើម្បីដណ្ដើមយកពានពីកម្មវិធី VMAs ក្នុងនោះក៏មានពានរង្វាន់ Song of the Summer ផងដែរ។

ចំណែកឯបុរសរូបស្រស់ Shawn Mendes វិញក៏មានឈ្មោះក្នុងតារាងដណ្ដើមពានដល់ទៅ ៦ ដែលក្នុងនោះរួមមានពានរង្វាន់ តារាប្រចាំឆ្នាំ ឬ Artist of the Year ផងដែរ។

ក្នុងនោះក៏មានតារាល្បីៗលំដាប់អន្តរជាតិផ្សេងទៀតផងដែរដូចជា Ariana Grande និង Taylor Swift ហើយពួកគេក៏មានឈ្មោះ ដើម្បីដណ្ដើមយកពានរង្វាន់រហូតដល់ក្នុងមួយនាក់ ១២ ពាន។

ប្រភព៖ The Irish News ប្រែសម្រួល៖ ឈឹម វិមានរ័ត្ននា