ទោះធ្លាប់មានការបំផ្ទុះគ្រាប់បែកម្ដង ក៏ Ariana មិនខ្លាចនឹងត្រឡប់មក Manchester ទៀតដែរ
- 2019-08-26 07:07:40
- ចំនួនមតិ 0 | ចំនួនចែករំលែក 0
ទោះធ្លាប់មានការបំផ្ទុះគ្រាប់បែកម្ដង ក៏ Ariana មិនខ្លាចនឹងត្រឡប់មក Manchester ទៀតដែរ
ចន្លោះមិនឃើញ
Ariana Grande បានត្រឡប់មកទីក្រុង Manchester ម្ដងទៀតជាមួយនឹងការសម្ដែងបទល្បីៗរបស់នាងដូចជា៖ «Thank You», «Next 7 Rings», «Break Up with Your Girlfriend», «One Last Time» និងបទជាច្រើនទៀត នៃការប្រគំតន្ត្រី Manchester Pride Festival កាលពីថ្ងៃទី ២៥ ខែសីហា។
តារាចម្រៀងខ្មៅស្រអែម Ariana បានបង្ហាញសេចក្ដីសប្បាយរីករាយ និងរំភើបយ៉ាងខ្លាំង ដែលបានត្រឡប់មក Manchester ម្ដងទៀត ដោយមិនគិតថា រឿងមិនល្អនឹងកើតឡើងម្ដងទៀតនោះទេ។
នាងក៏បាននិយាយថា នាងពិតជាស្រឡាញ់អ្នកគាំទ្រនៅទីក្រុងនេះខ្លាំងណាស់ និងបាននិយាយប្រាប់អ្នកចូលរួមក្នុងការប្រគំតន្ត្រីនេះថា «សូមកុំខ្លាច» ហើយ Ariana ក៏បានបន្ថែមថា នាងពិតជាអរគុណដែលបានអញ្ជើញមក Manchester ម្ដងទៀត ។
សូមបញ្ជាក់ផងដែរថា ការបំផ្ទុះគ្រាប់បែកនៅការប្រគំតន្ត្រីរបស់ Ariana Grande កាលពីថ្ងៃទី ២២ ខែឧសភា ឆ្នាំ ២០១៧ បានសម្លាប់មនុស្សអស់ ២២ នាក់ និងរបួសច្រើនជាង ២៥០ នាក់ ជាហេតុបង្កឲ្យមានការភ្ញាក់ផ្អើលជាខ្លាំងជុំវិញពិភពលោក៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
