សិស្សគុន ITF មិនត្រឹមខ្លាំងលើឆាកអន្តរជាតិទេ ប្រឡងបាក់ឌុប៤នាក់ជាប់ទាំងអស់ថែមទៀតផង

2019-09-10 03:38:40
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធតេក្វាន់ដូ ITF កម្ពុជាទើបតែនាំមេដាយពិភពលោកចំនួន៥គ្រឿងមកពីប្រទេសប៊ុលហ្គារីថ្មីៗនេះ ខណៈម្សិលមិញនេះសិស្សគុនរបស់ខ្លួនចំនួន៤នាក់ដែលប្រឡងនៅរាជធានីភ្នំពេញគឺជាប់ទាំង៤តែម្ដង។

ហ្វេសបុកផេក ឯកឧត្ដម កែវ រ៉េមី

នេះបើតាមការបង្ហោះលើផេកផ្លូវការរបស់ប្រធានសហព័ន្ធកីឡាខាងលើ ឯកឧត្ដម កែវ រ៉េមី **«កូនៗតេក្វាន់ដូ ITF ខ្ញុំ, ពួកគេបានប្រឡងជាប់ទាំងអស់គ្នាហើយ ។ សូមអបអរសាទរ!!!»**។ នេះជាសារលើកទឹកចិត្ត សប្បាយចិត្ត ការយកចិត្តទុកដាក់លើកូនសិស្សរបស់ខ្លួនពីប្រធានសហព័ន្ធ ITF។

ក្រៅពីនេះទៀតដែរ គេឃើញមានសិស្សរួមក្លឹប កីឡាករ កីឡាការិនីជម្រើសជាតិតេក្វាន់ដូ ITF ក៏បង្ហោះសារអបអរជាច្រើនទៅនិងលទ្ធផលនៃការប្រឡងដល់ល្អរបស់សិស្សគុនទាំង៤នាក់ សុជាតិ រ៉ូសាណា សុខ ស៊ូណាម ជួប សីហា និង កាង ប៊ុនឡុង នេះផងដែរកាលពីម្សិលមិញនេះ។

អ្នកទាំង៤នាក់នេះ

បញ្ជាក់ផងដែរថា សម័យប្រឡងបាក់ឌុបឆ្នាំ២០១៩ កាលពីថ្ងៃទី១៩ ដល់ ២០ ខែសីហា សហព័ន្ធតេក្វាន់ដូ ITF កម្ពុជា មានកីឡាករ កីឡាការិនីជម្រើសជាតិ និងថ្នាល ៤នាក់ដែលត្រូវប្រឡង។ ពួកគេជាប់ទាំង៤នាក់តែម្ដង សុជាតិ រ៉ូសាណា និង សុខ ស៊ូណាម(ប្រឡងនៅចតុមុខ) ជួប សីហា និង កាង ប៊ុនឡុង(ប្រឡងនៅជ្រោយចង្វា)គឺបាននិទ្ទេស Eទាំងអស់គ្នា៕

អត្ថបទ៖ នួន ស៊ីណា