បទចម្រៀង Birds of a Feather របស់ Billie Eilish បានជាប់ក្នុងតារាងកំពូលជាបទដែលមានអ្នកចូលស្តាប់ច្រើនបំផុតនៅលើ Spotify ប្រចាំឆ្នាំ ២០២៤។ បទ Birds of a Feather មានអ្នកចូល stream នៅក្នុង Spotify រហូតដល់ទៅ ១,៧៧៥ ពាន់លានដងឯណោះ។

កាលពីអំឡុងខែកក្កដា ឆ្នាំ ២០២៤ កន្លងទៅ Billie Eilish បានបញ្ចេញបទចម្រៀង មានចំណងជើងថា Birds of a Feather នេះសម្រាប់អ្នកគាំទ្រ។ ក្រោយមកបទនេះ ទទួលបានគាំទ្រខ្លាំង រហូតត្រូវបានជាប់ក្នុងបញ្ជីប្រជែងយកពាន Grammy Awards ចំនួន ៣ គឺ Song Of The Year, Record Of The Year និង Best Pop Solo Performance។

Birds of a Feather ជាបទមួយក្នុង អាល់ប៊ុមចម្រៀង Hit Me Hard and Soft ដែលចេញក្នុងឆ្នាំ ២០២៤ របស់ Billie Eilish។ ក្នុងបទសម្ភាសន៍មួយជាមួយ CBS News តារាចម្រៀងស្រីរូបនេះ បាននិយាយថា “នាងបានត្រឡប់ មកផ្តោតលើការផលិតចម្រៀងវិញ ដោយក្នុងនោះមានការ collab ជាមួយ Finneas ផងដែរ។” នាងបន្តថា “ពេលនោះ វាពិតជាមានភាពរីករាយខ្លាំងណាស់ ហើយបរិយាកាសមិនសូវជាតានតឹងខ្លាំងទេ ពួកយើងសប្បាយចិត្តក្នុងការធ្វើតន្រ្តី”៕

ប្រភព៖ Asiaone   ប្រែសម្រួល ៖ គីម ណារ៉ាក់