ស្ងាត់ៗ DJI ចេញវីដេអូបង្រៀនផ្ទាល់ តិចនិកថតមនុស្សឲ្យឃើញតូចៗ

2019-09-11 08:01:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះនៅលើគណនីធូយូបផ្លូវការរបស់ក្រុមហ៊ុន DJI បានបង្ហើបពីរបៀបនៃការថតវីដេអូពេញនិយមប្រភេទ Forced Perspective(យកមនុស្សទៅថត ធ្វើឲ្យតូចជាងវត្ថុណាមួយ) ដោយប្រើប្រាស់ផលិតផល action កាមេរ៉ាជំនាន់ចុងក្រោយរបស់ខ្លួនគឺ DJI Osmo Action។

វីដេអូបែប Forced Perspective

វីដេអូខ្លីនោះ លើកឡើងពីទិដ្ឋភាព ពេលកម្សាន្តនៅលើឆ្នេរខ្សាច់ ដោយដាក់មនុស្សក្នុងដបហើយផ្លុំឲ្យដួល ឯប្លង់មួយទៀតនៅក្នុងបន្ទប់ ដោយយកចំណិតផ្លែឳឡឹក មកច្នៃចេញជាតុ រួចឡើងជាន់ពីលើរាំ និងប្លង់ចំនួន ២ ទៀត។ គោលបំណង DJI ចង់បង្ហាញពីសមត្ថភាពពិសេសដែលមានលើ Osmo Action ដែលអ្នកអាចយកទៅថតបានប្លង់ទាំងនេះដោយងាយស្រួល ត្បិតតែតិចនិកនេះ មានមនុស្សជាច្រើនបានដឹងយូរមកហើយ ។

Osmo Action

DJI Osmo Action មានអេក្រង់ចំនួនពីរបំពាក់ពីមុខ និងពីក្រោយ ដែលជាប្រភេទពណ៌ទាំងពីរ។ អេក្រង់ខាងមុខមានទំហំ ១,៤ អ៊ីញ និងអេក្រង់ខាងក្រោយទំហំ ២,២៥ អ៊ីញ ជាប្រភេទ Touch។ ឡេនរបស់កាមេរ៉ានេះវិញមានកម្រិត ១២ MP ជាប្រភេទ CMOS Sensor អាចថតវីដេអូកម្រិត 4K/60fps, ថតវីដេអូ HDR ក្នុងល្បឿន 30fps, វីដេអូល្បឿនយឺត 240 fps និងវីដេអូកម្រិត 1080p ឬ 720p បានផងដែរ។

DJI Osmo Action

លើសពីនេះវាក៏មានមុខងារមួយឈ្មោះថា RockSteady ជាមុខងាររក្សាលំនឹងបែបអេឡិចត្រូនិក ដែលអាចដំណើរសម្រាប់ការថតគ្រប់ប្រភេទ។ Osmo Action ក៏មានសមត្ថភាពធន់នឹងទឹក, អាចប្រើជាមួយជើង GoPro ដទៃទៀត, មាន Wi-Fi និង Bluetooth ហើយអាចបញ្ជាតាមកម្មវិធី DJI លើទូរសព្ទ។ តម្លៃបច្ចប្បន្នគឺ ៣០០ ដុល្លារ(ទីផ្សារក្នុងស្រុក)៕

ទស្សនាបច្ចេកទេសបង្កើតវីដេអូនោះ ដូចខាងក្រោម៖