ការប្រកួតបាល់ទាត់ សហគមន៍ អង្គការផ្កាយសមុទ្រចាប់ផ្ដើមហើយ

2019-09-13 06:47:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតបាល់ទាត់សហគមន៍របស់អង្គការផ្កាយសមុទ្រ បានចាប់ផ្ដើមរដូវកាលថ្មីមួយទៀតរបស់ខ្លួនហើយ ដោយមានក្រុមចូលរួម១២ក្រុម មកពីតាមតំបន់នានា។

ចាប់តាំងពីឆ្នាំ២០១៧មក អង្គការផ្កាយសមុទ្របានរៀបចំការប្រកួតបាល់ទាត់វិលជុំក្នុងសហគមន៍ជារៀងរាល់ឆ្នាំ។ គោលបំណងនៃការប្រកួតបាល់ទាត់វិលជុំនេះ គឺផ្ដល់ឱកាសឲ្យប្រជាជននៅក្នុងសហគមន៍ បានចូលរួមប្រកួតប្រជែងនៅក្នុងការប្រកួតដែលមានស្តង់ដា បូករួមនឺងការបង្កើតមិត្តភាព ព្រមទាំងទទួលបានភាពសប្បាយរីករាយជាមួយគ្នា។ សម្រាប់ឆ្នាំនេះ ការប្រកួតបាល់ទាត់វិលជុំនេះបានបើកជាផ្លូវការនៅថ្ងៃទី៨ ខែកញ្ញា ឆ្នាំ២០១៩ ជាមួយនឹងការចូលរួមពីសំណាក់ក្រុមទាំង១២ដែលមកពីតំបន់ផ្សេងៗគ្នានៅជុំវិញកីឡដ្ឋានអង្គការផ្កាយសមុទ្រ ដូចជាក្រុម Tiger Red ក្រុមឥទ្រ្ទីតូច ក្រុមសេះសដើមរីស ក្រុមអធិរាជថ្ម ក្រុមបាគូ ក្រុមកីឡាករគរថ្លង់ DDP ក្រុមមហាមិត្តវិទ្យាល័យ ក្រុមត្រពាំងវែង ក្រុមកីឡាដើម្បីសុខភាព ក្រុមយុវជនសង្កាត់ទៀន ក្រុមសមុទ្រខៀវ និងក្រុមខ្លាហោះ។

ក្រុមទាំង១២នេះនឹងធ្វើការប្រកួតវិលជុំក្នុងរយៈពេល៨សប្ដាហ៍ខាងមុខនេះ។ គួរបញ្ជាក់ផងដែរថា ឆ្នាំនេះគឺជាឆ្នាំទី២ហើយដែលក្រុមកីឡាករគរថ្លង់បានចូលរួមការប្រកួតវិលជុំ ដែលអង្គការផ្កាយសមុទ្រតែងតែលើកកម្ពស់ការចូលរួមរបស់ពួកគេនិងដើម្បីឱ្យពួកគេដឹងថាពួកគេមិនត្រូវបានគេរើសអើង និងមិនអើពើនោះទេ៕

អត្ថបទ៖ ប្រុស យុទ្ធ