សោកស្ដាយតារាសម្ដែង និងម៉ូដែល ណូ ជ័យរិទ្ធី បាត់បង់ជីវិតយប់មិញ
- 2019-09-16 04:38:21
- ចំនួនមតិ 0 | ចំនួនចែករំលែក 0
សោកស្ដាយតារាសម្ដែង និងម៉ូដែល ណូ ជ័យរិទ្ធី បាត់បង់ជីវិតយប់មិញ
ចន្លោះមិនឃើញ
ដំណឹងគួរឲ្យសោកស្ដាយមួយ អំពីតារាសម្ដែង និងម៉ូដែល ណូ ជ័យរិទ្ធី លោកបានបាត់បង់ជីវិតទៅហើយនៅវេលាម៉ោង ៣និង ៥៥នាទីឆ្លងចូលថ្ងៃទី ១៦ កញ្ញា ២០១៩នេះ នៅមន្ទីរពេទ្យរុស្សី ហៅមន្ទីរពេទ្យមិត្តភាពខ្មែរសូវៀត។ នេះបើតាមការជូនដំណឹងរបស់សាច់ញាតិនៃសព។
លោក ណូ ជ័យរិទ្ធី គឺជាតារាម៉ូដែល និងសម្ដែងមួយរូប ដែលបាត់មុខពីសិល្បៈជាយូរមកហើយ ដោយទើបតែលេចដំណឹងកាលពីប្រមាណ១ខែមុននេះ ថាលោកមានជំងឺទឹកនោមផ្អែមធ្ងន់ធ្ងរ។ លោកមានវ័យ ៤០ឆ្នាំ បានបាត់បង់ជីវិតលាចាកសាច់ញាតិ និងមិត្តរួមអាជីពទាំងឡាយទៅហើយ ក្រោយពីមិនអាចទ្រាំទ្រនឹងជំងឺដ៏សាហាវបាន។
សពរបស់លោក ត្រូវបានក្រុមគ្រួសារដឹកយកទៅតម្កល់ទុកធ្វើបុណ្យនៅវត្តចាក់អង្រែក្រោម។