គ្រូស្វាយរៀង៖ ខ្ញុំគោរពក្រោន ទាំងកីឡាករ គ្រូបង្វឹក ពួកគេមិនសមចាញ់ប្រកួតនេះទេ
- 2019-09-20 02:40:37
- ចំនួនមតិ 0 | ចំនួនចែករំលែក 0
គ្រូស្វាយរៀង៖ ខ្ញុំគោរពក្រោន ទាំងកីឡាករ គ្រូបង្វឹក ពួកគេមិនសមចាញ់ប្រកួតនេះទេ
ចន្លោះមិនឃើញ
ក្រុមបាល់ទាត់ព្រះខ័នរាជស្វាយរៀង បានយកឈ្នះលើក្រុមភ្នំពេញក្រោន ដោយបាល់ប៉េណាល់ទី ៥-៤ នៅពានរង្វាន់ Hun Sen Cup វគ្គពាក់កណ្ដាលផ្ដាច់ព្រ័ត្រ។
ក្រោយចប់ការប្រកួត លោក Conor Nestor បាននិយាយដែរថា៖ “ការគោរពទាំងស្រុងរបស់ខ្ញុំ គឺចំពោះក្រុមភ្នំពេញក្រោន។ បុគ្គលិករបស់ពួកគេ កីឡាករ និងអ្នកគាំទ្រ ពួកគេមិនសមចាញ់នៅប្រកួតនេះទេ។ រដូវកាលមុន យើងចាកចេញពីពាននេះក្នុងស្ថានភាពបែបនេះដែរ។ យើងយល់ពីអារម្មណ៍នេះ”។
ការប្រកួតរវាងក្រុមទាំងពីរខាងលើនៅយប់មិញ ពិតជាស្វិតស្វាញ និងធ្វើឱ្យអ្នកគាំទ្រមើលមិនដាក់ភ្នែកឡើយ បើទោះជាគ្មានគ្រាប់បាល់កើតឡើងក៏ដោយ។ អ្វីដែលកាន់រន្ធត់ទៀតនោះ គឺវគ្គប៉េណាល់ទីតែម្ដង ដែលក្រោនមានឱកាសយកឈ្នះទៅហើយ ប៉ុន្តែបែរជាភ្លាត់២គ្រាប់ចុងក្រោយ ធ្វើឱ្យក្រុមស្វាយរៀងទទួលបានជ័យជម្នះទៅវិញ។ ស្វាយរៀងឡើងទៅវគ្គផ្ដាច់ព្រ័ត្រ នឹងត្រូវប៉ះជាមួយក្រុមបឹងកេត ពានរង្វាន់ Hun Sen Cup 2019 ខាងមុខនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
