មកដឹងពី ៦ ហេតុផល អាចធ្វើឲ្យរថយន្តក្រឡាប់

2019-10-03 03:00:56
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្តក្រឡាប់ជាគ្រោះថ្នាក់ចរាចរណ៍ធ្ងន់ធ្ងរមួយ ដែលអាចឲ្យជនរងគ្រោះរងរបួសខ្លាំង ហើយធ្ងន់បំផុតគឺប៉ះពាល់ដល់អាយុជីវិតទៀតផង។ ដឹងពីមូលហេតុធ្វើឲ្យរថយន្តក្រឡាប់ អាចបង្ការគ្រោះថ្នាក់ធ្ងន់ធ្ងរបាន ៖

១. ទាក់កង់

ផ្អែកតាមរដ្ឋបាលសុវត្ថិភាពផ្លូវថ្នល់ NHTSA បានឲ្យដឹងថា ៩៥% នៃគ្រោះថ្នាក់ក្រឡាប់រថយន្ត កើតមានឡើងនៅកង់មួយរបស់រថយន្តប៉ះនឹងរបស់អ្វីម្យ៉ាងដែលបង្អាក់ដំណើររថយន្ត។ របស់ដែលអាចទាក់កង់រថយន្តរួមមានផ្លូវដីក្រហម, ទួលបន្ថយល្បឿន, ថ្មទំហំធំ ឬ ចិញ្ចើមថ្នល់។

២. កង់ធូរ ឬធ្លាយ

ប្រសិនបើកង់មួយរបស់រថយន្តមានបញ្ហា ឬ ចាស់ខ្លាំងពេក វាអាចធ្វើឲ្យកង់ធូរ ឬធ្លាយ ដែលបណ្ដាលឲ្យបាត់បង់ម្ចាស់ការលើរថយន្តពេលបើកបរល្បឿនលឿន និងឈានដល់ការក្រឡាប់។

៣. កត្តាផ្លូវថ្នល់

ពេលខ្លះការក្រឡាប់អាចបណ្ដាលមកពីផ្លូវថ្នល់ដែលមានសភាពមិនល្អ កង្វះខាតផ្លាកសញ្ញា ដូចជាពេលបើកបរសំដៅទៅកាន់ផ្លូវកោង ឬផ្លូវដែលមានឧបសគ្គខាងមុខ ដោយមិនបានដឹងជាមុន។

៤. រថយន្តកម្ពស់ខ្ពស់

រថយន្តជាច្រើន ជាពិសេសប្រភេទ Minivan, SUV និងភីកអាប់ មានតួខ្ពស់ ដែលរចនាបថនេះមានប្រឈមខ្ពស់នឹងការក្រឡាប់ ជាជាងរថយន្តដទៃទៀត។ ប៉ុន្តែរថយន្តតួខ្ពស់នាពេលបច្ចុប្បន្នភាគច្រើនមានបំពាក់ប្រព័ន្ធសុវត្ថិភាពទំនើប អាចជួយទប់លំនឹងរថយន្តបានយ៉ាងល្អផងដេរ។

៥. ការប៉ះពៀរពីរថយន្តដទៃ

ការក្រឡាប់តែងកើតមានឡើងជាញឹកញាប់នៅពេលរថយន្តមួយ ត្រូវរងការប៉ះទង្គិចពីរថយន្តមួយទៀតនៅផ្នែកចំហៀង។ តាមតួលេខរបស់ NHTSA ក្នុងករណីក្រឡាប់ចំនួន ៥ មាន ១ កើតឡើងដោយសារហេតុផលនេះ។

៦. ការបាត់បង់លំនឹងពេលបត់ចង្កូត

រថយន្តអាចគ្មានលំនឹងនៅពេលបត់ចង្កូតក្នុងល្បឿនលឿននៅត្រង់កន្លែងផ្លូវកោង ដែលនេះជាមូលហេតុបណ្ដាលឲ្យរថយន្តក្រឡាប់។ ដូចនេះគួរបន្ថយល្បឿនពេលបើកបរលើផ្លូវកោង៕

ចុចអាន ៖ ធ្លាប់ឆ្ងល់អត់ ពេលពិនិត្យសំពាធកង់រថយន្ត ចេញសញ្ញាពណ៌លឿង?

ប្រភព៖ adamegarzalaw ប្រែសម្រួល៖ សុខហេង