ពេលនេះរូបជុំគ្នារបស់កំពូលតារាប្រុសលំដាប់ពិភពលោក៤នាក់ កំពុងល្បីពេញបណ្ដាញសង្គម

2019-10-14 05:10:53
ចំនួនមតិ 0 | ចំនួនចែករំលែក 0

ចន្លោះមិនឃើញ

វេទិការៀបចំជាពិសេសមួយដែលរៀបចំឡើងនៅ អារ៉ាប៊ីសាអូឌីត កាលពីថ្ងៃអាទិត្យ ហើយអ្នកដែលបានចូលរួមសុទ្ធតែជាបុគ្គលល្បីៗលំដាប់ពិភពលោក។ Joy Forum ជាវេទិកាផ្ដោតសំខាន់លើវិស័យសិល្បៈកម្សាន្ត ដែលកំពុងមានឥទ្ធិពលនៅបណ្ដាប្រទេសនានា។

ក្នុងចំណោមជនល្បីទាំងនោះ អ្នកដែលមហាជនភ្ញាក់ផ្អើលបំផុតគឺ Jackie Chan, Shah Rukh Khan និង Jean-Claude Van Damme ។ ជាក់ស្ដែង Shah Rukh Khan ដែលស្ថិតក្នុងចំណោមកំពូលតារាទាំង ៣ បានបង្ហោះរូបរួមគ្នា ថតជាមួយស្ដេចក្បាច់គុនហុងកុង Jackie Chan និងតារាជើងចាស់បែលហ្ស៊ិក Jean-Claude Van Damme លើ Instagram ផ្ទាល់ខ្លួន បង្កឲ្យមានការភ្ញាក់ផ្អើលជាខ្លាំង ព្រោះវាជារូបដ៏កម្របំផុត។ រូបភាពមួយសន្លឹកនោះ តារាសម្ដែងជនជាតិឥណ្ឌា Shah Rukh Khan ថែមទាំងបានបង្ហើបថា លោករីករាយបំផុតដែលបានជួបបុរសខ្លាំងទាំង ២ (Jackie Chan និង Jean-Claude Van Damme)។

យ៉ាងណាមិញ រូបនេះក៏ត្រូវបានអ្នកលេងបណ្ដាញសង្គម ចែកចាយតៗគ្នា និងជាក្ដីរំភើបមួយសម្រាប់អ្នកគាំទ្ររបស់តារាល្បីលំដាប់ជួរមុខប្រចាំពិភពលោកទាំង ៣ សម្រាប់ជំនួបមួយនេះ។ ប៉ុន្តែមិនមែនមានតែតារាល្បី ៣នាក់នេះទេ សូម្បីតារាអាមេរិក Jason Momoa ក៏មានវត្តមានដែរ ព្រមទាំងបានថតរូបជុំគ្នាជាមួយអ្នកទាំង ៣ខាងលើទៀត៕