សេវាកម្មចាស់គំរឹលមានអាយុកាល ១៨ ឆ្នាំរបស់ Yahoo ប្រកាសបិទចោលហើយ

2019-10-18 09:09:19
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃទី ១៤ ខែធ្នូ ឆ្នាំ ២០១៩ ខាងមុខ ក្រុមហ៊ុន Yahoo នឹងធ្វើការបិទចោលនូវសេវាកម្ម Groups ក្រោយបើកឲ្យដំណើរការអស់រយៈពេលជាង ១៨ ឆ្នាំ។

អ្នកប្រើប្រាស់អាចធ្វើការទាញយកទុកជាមុនបាន នូវរាល់ទិន្នន័យមិនថារូបភាពឬឯកសារទាំងអំបាលម៉ានដែលអ្នកបានធ្វើការបង្ហោះចែកចាយក្នុង Yahoo Groups កាលពីពេលមុន។

បច្ចុប្បន្នក្រុមហ៊ុនស្ថិតក្រោមទ្រនំមេ Verizon មួយនេះ ពុំបានពន្យល់ច្បាស់លាស់ពីមូលហេតុនៃការបិទចោលសេវាកម្មនេះឡើយ ប៉ុន្តែដូចបានឃើញជាក់ស្តែងវាអាចរាប់ជាសេវាកម្មចាស់កំរិលមួយដែលលែងមានអ្នកប្រើប្រាស់ ក្រោយពេលដែល Facebook និង Twitter កំពុងវាយលុកចិត្តអ្នកប្រើយ៉ាងសកម្ម។

បញ្ជាក់ថា Yahoo Groups បានបង្កើតឡើងនៅថ្ងៃទី ៣០ ខែមករា ឆ្នាំ ២០០១ ដែលជាវេទិកាពិភាក្សានិងចែកចាយរបស់អ្នកប្រើប្រាស់លើប្រព័ន្ធអ៊ីនធឺណិត។ នៅឆ្នាំ ២០១០ កំណើនអ្នកប្រើប្រាស់ធ្លាប់បានផ្ទុះខ្លាំងឡើងដល់ ១១៥ លាននាក់ ប៉ុន្តែប៉ុន្មានឆ្នាំចុងក្រោយក៏ចុះថមថយទៅវិញ ក្រោយរងការប្រកួតប្រជែងពីសំណាក់បណ្តាញសង្គមយក្សដទៃ៕

អានអត្ថបទ:

ប្រភព៖ engadget ប្រែសម្រួល៖ កៅ រក្សា