ហេង វិសាល ប្រាប់ថា មកបាត់ដំបង ៣ ដង ជួបបញ្ហាទាំង ៣ ដង
- 2019-11-14 03:38:50
- ចំនួនមតិ 0 | ចំនួនចែករំលែក 0
ហេង វិសាល ប្រាប់ថា មកបាត់ដំបង ៣ ដង ជួបបញ្ហាទាំង ៣ ដង
ចន្លោះមិនឃើញ
តាមរយៈកម្មវិធី "បងធំប្អូនប្រុស" ប្រុសស្អាត ហេង វិសាល តារាល្បីលើបណ្ដាញសង្គម និងលោក ទេព រិនដារ៉ូ បានទៅដល់ខេត្តបាត់ដំបងហើយ ដោយក្នុងនោះមានរឿងខ្លះ បានធ្វើតារាតារាកិត្តិយស ពិសេសវិសាល មិនជាជួបភាពសមប្រកបប៉ុន្មាននោះទេ រហូតដល់លោកធ្លោយមាត់ អាចនឹងអស់ល្អនឹងគ្នាជាមួយខេត្តជាយដែនមួយនេះទៀត។
តារាខុសជំនាន់គ្នាទាំង បានជួបរឿងជាច្រើនដែលពួកគេមិនធ្លាប់បានធ្វើពីមុនមក តាំងពីខេត្តកោះកុង និងកំពត។ មកដល់បាត់ដំបងក៏ដូចគ្នា វិសាល ដែលចូលចិត្តតែការរស់នៅ និងស្នាក់នៅក្នុងបន្ទប់ក្រោមឥទ្ធិពលម៉ាស៊ីន ចុចទូរសព្ទ លេងអ៊ីនធឺណិតនោះ ត្រូវបានបង្គាប់ឲ្យធ្វើរឿងដែលលោកមិនចង់ជាច្រើននៅក្នុងខេត្តបាត់ដំបង។ ពួកគេ ត្រូវពិធីការិនី យ៉ែម ស្រីពេជ្រ ប្រាប់ឲ្យទៅកន្លែងចិញ្ចឹមសត្វមួយនៅក្នុងខេត្តនេះ។
សត្វនោះ ត្រូវបានបញ្ជាក់ថា ជាសត្វដែលមានរូបរាង Cute គួរឲ្យស្រឡាញ់តាំងពីតូច រហូតដល់ធំពេញវ័យ។ វិសាល និងលោក ទេព រិនដារ៉ូ ចាប់ផ្ដើមស្រមៃរៀងខ្លួន ម្ដងថា អាចជាសត្វពស់ ឬសត្វក្រពើ...។ យ៉ាងណា ប្រុសស្អាត ពិតជាមិនចូលចិត្តទាំងប៉ុន្មានដែលគេបានគិតដល់នោះទេ។
លោក ហេង វិសាល បញ្ចេញឲ្យដឹងថា លោកធ្លាប់មានបទពិសោធន៍ជាមួយខេត្តបាត់ដំបងចំនួន ៣ដងហើយ ដោយមិនដែលមានរឿងល្អមួយនោះទេ។ "ជីវិតខ្ញុំ ប្រហែលជាចប់ត្រឹមកម្មវិធីហ្នឹងហើយ...ហើយបើអីចឹងទៀត ខ្ញុំនឹងខេត្តបាត់ដំបង នឹងអស់ល្អនឹងគ្នាហើយ!"។
តើវិសាល និងលោក ដារ៉ូ ទៅកន្លែងចិញ្ចឹមសត្វអ្វី និងក្រៅពីពួកគេធ្វើរឿងមិនធ្លាប់ធ្វើអ្វីខ្លះក្នុងខេត្តរបស់លោកតាដំបងគ្រញូង? តោះ...ទស្សនាវីដេអូខាងក្រោមនេះទាំងអស់គ្នា!!!