ចប់ត្រឹមហ្នឹងហើយ Microsoft និយាយពាក្យលា ទៅកាន់ Windows Mobile ហើយ!

2019-12-11 03:55:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំនាន់ចុងក្រោយបង្អស់ Windows 10 Mobile ត្រូវបានក្រុមហ៊ុន Microsoft ប្រកាសបញ្ចប់ការផ្តល់ជូននូវប្រព័ន្ធសុវត្ថិភាពថ្មីត្រឹមប៉ុណ្ណេះ ។ ជាការពិតអ្នកកំពុងមានឧបករណ៍ឈរលើជំនាន់នោះ អាចបន្តប្រើប្រាស់បានដដែល ប៉ុន្តែនឹងលែងទទួលបានការអាប់ដែតកំណែថ្មីទៀតហើយ។

សម្រាប់ប្រភេទកម្មវិធីសំខាន់ Office ដែលមានទាំង Word, Excel, PowerPoint និង OneNote លើ Windows Mobile នឹងបញ្ចប់ទទួលការអាប់ដែតទាំងស្រុង ត្រឹមថ្ងៃទី១២ ខែមករា ឆ្នាំ២០២១។

ក្រុមហ៊ុនអាមេរិកក៏ទទូចណែនាំទៅកាន់អតិថិជនខ្លួនឲ្យធ្វើការផ្លាស់ប្តូរ ទៅប្រើប្រាស់ឧបករណ៍ដទៃ ដែលដំណើរការដោយ Android ឬ iOS វិញ។

គួររំឭកថា Windows 10 Mobile គឺជាជំនាន់ចុងក្រោយបង្អស់របស់ Microsoft ដែលចេញកាលពីឆ្នាំ ២០១៥ គាំទ្រលើស្មាតហ្វូន Lumia 950, 950 XL និង 550 ចេញពីប្រអប់ស្រាប់។ ការប្រកាសបញ្ឈប់ការគាំទ្រនៃ Windows Mobile ធ្វើឡើងតាំងពីឆ្នាំ ២០១៨ លើជំនាន់ Windows Phone 8.1 មកម្ល៉េះ ហើយទីបញ្ចប់គឺ Windows 10 Mobile នេះផ្ទាល់ដែលជាជំនាន់ចុងក្រោយបង្អស់៕

អានអត្ថបទ:

ប្រភព៖ GSMarena ប្រែសម្រួល៖ កៅ រក្សា