តារា​ចម្រៀង​កូរ៉េ​ខាង​ត្បូង Niclole ជា​អតីត​សមាជិក​ក្រុម​ Kara បាន​ចេញ​អាល់ប៊ុម​ទោល​ដំបូង​របស់​ខ្លួន​ហើយ នៅ​ថ្ងៃ​ទី​១៩ ខែ​វិច្ឆិកា នេះ រួម​ជាមួយ​វីដេអូ​ចម្រៀង​បទ "Mama"។

អាល់ប៊ុម​ដំបូង​របស់ Nicole មាន​ចំណង​ជើង​ថា "First Romance” និង​​មាន​បទ​ចម្រៀង "Mama” ជា​បទ​នាំ​មុខ។ អាល់ប៊ុម​នេះ​ជា​ស្នាដៃ​ផលិត​ដោយ Sweetune និង​មាន​បទ​ចម្រៀង​ចំនួន ៦​បទ សុទ្ធ​តែ​ជា​បទ​ចម្រៀង​ស្នេហា។ បទ​ចម្រៀង "Mama” និយាយ​ពី​ក្មេង​ស្រី​ម្នាក់​ដែល​មាន​ភាព​ប្រែប្រួល​បន្ទាប់​ពី​ធ្លាក់​ក្នុង​អន្លង់​ស្នេហ៍​របស់​បុរស​ម្នាក់។ Nicole នឹង​ចាប់​ផ្ដើម​ផ្សព្វផ្សាយ​អាល់ប៊ុម​នេះ តាម​រយៈ​ការ​សម្ដែង​ក្នុង​កម្មវិធី​តន្ត្រី​ផ្សេង​ៗ។

តារា​វ័យ ២៣​ឆ្នាំ Nicole បាន​ចេញ​បទ​ចម្រៀង​ដំបូង​ជាមួយ​ក្រុម Kara កាល​ពី​ឆ្នាំ២០០៧។ នាង​បាន​ដើរ​ចេញ​ពី​ក្រុម Kara និង​ផលិតកម្ម DSP Media ​បន្ទាប់​ពី​ចប់​កុងត្រា​កាល​ពី​ដើម​ឆ្នាំ​២០១៤ និង​បាន​ចូល​ច្រៀងវិញ​នៅ​ផលិតកម្ម B2M Entertainment ក្នុង​នាម​ជា​តារា​​ទោល។

ទស្សនា​បទ​ "Mama” របស់ Nicole ខាង​ក្រោម​នេះ៖​ http://youtu.be/JLw2pnZEKeY

អានអត្ថបទ៖ វីដេអូ​ចម្រៀង​កូរ៉េ​ ១០​បទ ​ដែល​មាន​អ្នក​ទស្សនា​ច្រើន​​​បំផុត​ក្នុង​ប្រវត្តិសាស្ត្រ