ពានរង្វាន់បាល់ទាត់សាកលវិទ្យាល័យភូមិន្ទភ្នំពេញ ចាប់ផ្ដើមហើយ
- 2020-01-19 12:52:18
- ចំនួនមតិ 0 | ចំនួនចែករំលែក 0
ពានរង្វាន់បាល់ទាត់សាកលវិទ្យាល័យភូមិន្ទភ្នំពេញ ចាប់ផ្ដើមហើយ
ចន្លោះមិនឃើញ
ការប្រកួតពានរង្វាន់របស់សាកលវិទ្យាល័យភូមិន្ទភ្នំពេញបានចាប់ផ្ដើមហើយពោលគឺចាប់ពីថ្ងៃទី១៨ ខែមករា ឆ្នាំ២០២០ ដោយមាន២០ក្រុមចូលរួមពីនាយកដ្ឋានផ្សេងៗគ្នានៅក្នុងសាកលវិទ្យាល័យ។
លោក សោម រតនា សាកលវិទ្យាធិការរងនៃសកលវិទ្យាល័យភូមិន្ទភ្នំពេញបានមានប្រសាសន៍ថា៖ «នេះគឺជាការប្រកួតមួយដណ្ដើមពានក្នុងកម្រិតសកលវិទ្យាល័យជ្រើសរើសជើងឯកដើម្បីយកទៅធ្វើការប្រកួតជាមួយនិងសាកលវិទ្យាល័យផ្សេងៗទៀតយកជើងឯកថ្នាក់ជាតិ។និស្សិតដែលពួកគាត់ចូលរួមប្រកួតនេះគឺពួកគាត់ធ្វើការហាត់សមតាំងពីមុនមកម្ល៉េះ ជាលក្ខណៈឯកជនរបស់ពួកគាត់ អ្នកខ្លះក៏គាត់មានគ្រូបង្វឹករបស់គាត់តាំងពីដំបូងមកតែម្តងហើយសម្រាប់ការប្រកួតនេះទៀតសោតពួកគាត់នៅមានការហាត់ជារៀងរាល់សប្ដាហ៍ផងដែរ។ ខ្ញុំគិតថាការលេងកីឡានេះគឺបន្ថែមការអត់ធ្មត់និងវិន័យ ឧទាហរណ៍ថាបើគាត់លេងនៅក្នុងតារាងតែងតែមានការប៉ះគ្នាខ្លះហើយអ៊ីចឹងគាត់ត្រូវមានការអត់ធ្មត់ខ្ពស់ ហើយប្រសិនបើគាត់អាចអត់ធ្មត់បាននៅពេលលេងកីឡានេះ ខ្ញុំគិតថាពួកគាត់អាចអត់ធ្មត់បាននៅក្នុងទិត្យភាពផ្សេងៗទៀតនៅក្នុងសង្គម បង្កើតសាមគ្គីភាពលើសពីបរិបថត្រឹមថ្នាក់រៀន»។
រំលឹកដែរថា ការប្រកួតនេះធ្វើឡើងតែរាល់ពេលចុងសប្ដាហ៍តែប៉ុណ្ណោះ ចំណែកឯប្រាក់រង្វាន់វិញ លេខ១ បាន ១០០០ ដុល្លារ លេខ២ ៧០០ដុល្លារ លេខ៣ ៥០០ដុល្លារ និងលេខ៤ ទទួលបាន៣០០ដុល្លារ៕