ប្រភពគួរឲ្យទុកចិត្តប្រាប់ពីខែចេញលក់ផ្លូវការនៃ iPhone 9

2020-01-25 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពគួរឲ្យទុកចិត្តបង្ហើបចេញពីក្រុមហ៊ុនផ្គត់ផ្គង់ដែលជាដៃគូរបស់ក្រុមហ៊ុន Apple បានឲ្យដឹងថា iPhone 9 នឹងចាប់ផ្តើមចូលចង្វាក់ផលិតកម្មនៅខែកុម្ភៈខាងមុខនេះ ហើយត្រូវប្រកាសបង្ហាញខ្លួនជាផ្លូវការនៅមួយខែបន្ទាប់គឺខែមិនា។ នេះបើតាមសារព័ត៌មាន Bloomberg បានចុះផ្សាយ។

ប្រភពដដែលបានឲ្យដឹងថា iPhone 9 នឹងមានរចនាបថរូបរាងប្រហាក់ប្រហែល iPhone 8 នៅរក្សាប៊ូតុង Home និង Touch ID ហើយមានអេក្រង់ 4.7 អ៊ីញ ប្រើបន្ទះឈីប A13 Bionic ដែលមានបំពាក់លើ iPhone 11 ឆ្នាំទៅ។

ដោយឡែកសម្រាប់ចង្វាក់ផលិតកម្មទំនងជាត្រូវបែងចែកដោយផ្នែកខ្លះឲ្យទៅក្រុមហ៊ុន Hon Hai Precision Industry (Foxconn) និងផ្នែកខ្លះទម្លាក់ឲ្យរោងចក្រ Pegatron Corp និង Winstron Corp។

ចំពោះតម្លៃរំពឹងទុកប្រភពពីសព្វមួយដងធ្លាប់បង្ហើបថាអាចថ្លៃ ៣៩៩ ដុល្លារ ខ្លះថា ៤៩៩ ដុល្លារ ជារួមគឺជឿជាក់ថា Apple នឹងមិនដាក់លក់លើស ៥ សន្លឹកនោះឡើយ ជាគោលដៅប្រជែងស្មាតហ្វូនធុនកណ្តាលរបស់ក្រុមហ៊ុនឯទៀត៕

អានអត្ថបទ:

ប្រភព៖ techxcite ប្រែសម្រួល៖ កៅ រក្សា