ស្ត្រីអាមេរិកមកពីកប៉ាល់ Westerdam លែងមានវីរុស Covid19 ហើយ
- 2020-02-21 11:07:05
- ចំនួនមតិ 0 | ចំនួនចែករំលែក 0
ស្ត្រីអាមេរិកមកពីកប៉ាល់ Westerdam លែងមានវីរុស Covid19 ហើយ
ចន្លោះមិនឃើញ
ឧបនាយករដ្ឋមន្ត្រីម៉ាឡេស៊ីលោកជំទាវ Wan Azizah Wan Ismail បានប្រកាសក្នុងថ្ងៃនេះដែរថា ស្ត្រីជនជាតិអាមេរិក ដែលជាអ្នកដំណើរកប៉ាល់ហុល្លង់-អាមេរិក MS Westerdam ពេលនេះ លែងមានជំងឺដែលបង្កពីវីរុសកូរ៉ូណាថ្មី Covid19 ហើយ។
ក្នុងសន្និសីទកាសែត អ្នកស្រីឧបនាយករដ្ឋមន្ត្រីបានឲ្យដឹងថា ស្ត្រីអាមេរិកវ័យ ៨៥ឆ្នាំនោះ ត្រូវបានធ្វើតេស្តសុខភាពឃើញថា អវិជ្ជមានចំពោះវីរុស Covid19។ ប៉ុន្តែស្ត្រីអាមេរិកនោះមិនទាន់មានសុខភាពល្អស្រួលបួលទេ ហើយនៅតែមានអាការៈ និងរោគសញ្ញានៃវីរុសនេះ។
ឧបនាយករដ្ឋមន្ត្រីរូបនេះបានបន្តថា នៅពេលដែលជនជាតិអាមេរិករូបនោះមានអាការៈសះស្បើយពីរោគសញ្ញា នោះគាត់នឹងអនុញ្ញាតឲ្យចេញពីមន្ទីរពេទ្យហើយ។
គួរបញ្ជាក់ផងដែរថា ស្ត្រីជនជាតិអាមេរិករូបនោះបានចាកចេញពីប្រទេសកម្ពុជា មកកាន់ប្រទេសម៉ាឡេស៊ី កាលពីសប្ដាហ៍មុន ហើយអាជ្ញាធរសុខាភិបាលម៉ាឡេបានធ្វើតេស្តរកជំងឺផ្លូវដង្ហើមថ្មីវិជ្ជមាន ដល់ទៅ ២ដង៕