នៅខ្លាំងដដែល Ronaldinho នៅក្នុងគុកមែន ប៉ុន្តែអាចលើកពានរង្វាន់ សាច់ជ្រូក១៦គីឡូ

2020-03-15 02:27:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ Ronaldinho កំពុងស្ថិតក្នុងគុកមួយនាប្រទេសប៉ារ៉ាហ្គាយ ក្រោយពីរូបគេបានប្រើប្រាស់លិខិតឆ្លងដែនក្លែងក្លាយចូលប្រទេសនេះ។

បើទោះជាស្ថិតនៅក្នុងគុកមែន ប៉ុន្តែកាសែតក្នុងប្រទេសប៉ារ៉ាហ្គាយ បានបញ្ជាក់ថាការរស់នៅរបស់ Ronaldinho គឺសប្បាយមិនធម្មតានោះទេ។ មានអ្នកទោសក្នុងគុកជាច្រើននាក់ ដែលជាអ្នកគាំទ្ររបស់គេ ហើយតែងតែជួយផ្គត់ផ្គង់ដល់កីឡាករប្រេស៊ីលនេះជានិច្ច។ ថ្ងៃដំបូងដែលរូបគេចូលក្នុងគុក មានអ្នកទោសជាច្រើននាក់បានមកសុំហត្ថលេខាទៀតផង។

ខណៈដែលថ្មីៗនេះទៀតសោត Ronaldinho ក៏បានចូលប្រកួតបាល់ទាត់ពានរង្វាន់ក្នុងគុកមួយផងដែរ ហើយថែមទាំងបានលើកពានផងដែរ។ រូបគេនិងមិត្តរួមក្រុមដទៃទៀត បានលេខ១ ជាមួយរង្វាន់ជ្រូកអាំង១៦គីឡូក្រាមផងដែរ។ និយាយពីការប្រកួតពានក្នុងគុកនេះវិញ គឺក្រុមម្ខាងមាន៥នាក់។ ដោយក្រុម Ronaldinho បានឈ្នះដៃគូរហូតដល់១១ -២ ហើយអតីតកីឡាករ Barcelona នេះ រកបាន៥គ្រាប់ និងបញ្ជូនបាល់ឱ្យមិត្តរួមក្រុមបាន៦គ្រាប់៕

ប្រភព៖ Dailymail អត្ថបទ៖ ប្រុស យុទ្ធ