លក់មិនសូវដាច់ នៅវៀតណាមប្តូរមកឲ្យជួលម៉ាស៊ីនហ្គេម PS4 មួយអាទិត្យជាង ២០ ដុល្លារ
- 2020-03-25 06:09:36
- ចំនួនមតិ 0 | ចំនួនចែករំលែក 0
លក់មិនសូវដាច់ នៅវៀតណាមប្តូរមកឲ្យជួលម៉ាស៊ីនហ្គេម PS4 មួយអាទិត្យជាង ២០ ដុល្លារ
ចន្លោះមិនឃើញ
ទន្ទឹមនឹងការធ្លាក់ចំណូលក្នុងស្ថានភាពរាតត្បាតនៃវីរុស COVID-19 ក្រឡេកទៅមើលហាងលក់ម៉ាស៊ីនហ្គេមជាច្រើនកន្លែងនៅប្រទេសវៀតណាម បានផ្លាស់ប្ដូរពីការលក់ មកដាក់ឲ្យអតិថិជនជួលសម្រាប់ម៉ាស៊ីន PlayStation 4 ដើម្បីបន្តបង្កើនចំណូលប្រចាំថ្ងៃ។
តាមសម្តីអ្នកលក់លោក Le Trung រស់នៅទីក្រុងហាណូយ បាននិយាយថា៖ "ដោយបញ្ហាស្មុគស្មាញនៃការរាតត្បាតវីរុសកូរ៉ូណា បែបនេះហាងជាច្រើនបានបិទទ្វារ អ៊ីចឹងខ្ញុំប្តូរមកសេវាកម្មជួលវិញម្តង ដោយខ្ញុំមានម៉ាស៊ីនហ្គេម ១០ គ្រឿងដែរ ហើយបច្ចុប្បន្នមានអ្នកមកជួលបាន ៣ ទៅ ៤ គ្រឿងក្នុងមួយថ្ងៃ"។
ចំពោះតម្លៃនៃការជួលម៉ាស៊ីនហ្គេម PS4 គឺរយៈពេលមួយសប្តាហ៍ចន្លោះពី ២៣ ទៅ ២៥ ដុល្លារ ឬមួយថ្ងៃ ៤ ទៅ ៥ ដុល្លារ ប៉ុន្តែបើបូកទាំងដៃហ្គេម ឌីសហ្គេម និងខ្សែត HDMI ផ្សេងៗទៀត អតិថិជនត្រូវចំណាយដល់ជាង ៤០ ដុល្លារក៏មាន។ ក្នុងនោះហ្គេមបាល់ទាត់ FIFA និង PES ត្រូវបានគេមើលឃើញថាមានការចាប់អារម្មណ៍ខ្លាំងជាងគេ។
រំឭកថាគិតត្រឹមថ្ងៃទី ២៥ មិនា ឆ្នាំ ២០២០ នៅប្រទេសវៀតណាម មានការឆ្លងសរុបចំនួន ១៣៤ ករណី ខណៈករណីស្លាប់ ០ និងព្យាបាលសះស្បើយ ១៧ ករណីហើយ៕
អានអត្ថបទ:
ទិដ្ឋភាពកម្រ! ឡាន Bugatti ជួបជុំគ្នា សរុបតម្លៃជាង ៣៥លានដុល្លារ
អេស្ប៉ាញគ្រោងប្រើរ៉ូបូត តេស្តរកកូវីដ១៩ឲ្យបាន ៨ម៉ឺនលើកក្នុងមួយថ្ងៃ