Iniesta៖ ស្ថានភាពកូរ៉ូណានៅជប៉ុន ដូចត្រូវបានគេគ្រប់គ្រងជាប់អញ្ចឹង

2020-04-09 12:35:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើសញ្ជាតិអេស្ប៉ាញ Andres Iniesta បាននិយាយកាលពីពេលថ្មីៗនេះថា គេមានអារម្មណ៍ថាស្ថានភាពជំងឺកូវីដ-១៩ ឬក៏ជំងឺកូរ៉ូណានៅប្រទេសជប៉ុនប្រៀបដូចគ្រប់គ្រងបានរួចទៅហើយ។

Iniesta បាននិយាយថា ៖ " ជំងឺកូរ៉ូណាកើតនៅប្រទេសជប៉ុនដូចជា ៣ខែជាងមកហើយ តែខ្ញុំមានអារម្មណ៍ដូចជាគេគ្រប់ស្ថានភាពជំងឺនេះបានរួចទៅហើយ។ ឥឡូវហ្នឹងមានមនុស្សម្នាមួយចំនួនបានចេញមកដើរលេងហើយ " ។

ខ្សែបម្រើរូបនេះបានបន្តថា ៖ " អ្វីដែលពួកគេធ្វើបានល្អបំផុតនៅទីនេះគឺ ពួកគេបានបិទសាលារៀន និងកម្មវិធីនានា ដែលមានមនុស្សជុំគ្នាច្រើនតាំងពីជំងឺនេះកើតមានដំបូងមកម្ល៉េះ។ ដោយសារតែពួកគេធ្វើអញ្ចឹងហើយទើបឥឡូវមានផលវិបាកពីស្ថានភាពហ្នឹងតិច " ។

គួរបញ្ជាក់ផងដែរថា ប្រទេសជប៉ុនបានរកឃើញករណីអ្នកឆ្លងជំងឺកូវីដ-១៩តាំងពី ខែមករា ឆ្នាំ២០២០កន្លងមក តែមកទល់នឹងពេលថ្មីៗចំនួនអ្នកឆ្លងជំងឺកូវីដ-១៩នេះទើបតែកើនដល់ ៤,៦៦៧ករណីប៉ុណ្ណោះ៕

ប្រភព៖ Marca អត្ថបទ៖ សេរី មង្គល