Dortmund ត្រៀម៤០លានអឺរ៉ូទិញយក Torres ពី Valencia

2020-04-15 02:42:57
ចំនួនមតិ 0 | ចំនួនចែករំលែក 0

ចន្លោះមិនឃើញ

Borussia Dortmund បានត្រៀមកញ្ចប់លុយ៤០លានអឺរ៉ូ ដើម្បីនាំយក Ferran Torres ពីក្លឹបអេស្ប៉ាញ Valencia មកទឹកដីអាល្លឺម៉ង់ Bundesliga ក្នុងរដូវក្ដៅខាងមុខ ដែលនេះបើតាមការចុះផ្សាយរបស់គេហទំព័រ Macar។

តម្លៃផ្ដាច់កុងត្រារបស់ខ្សែប្រយុទ្ធស្លាបនៅ Valencia គឺ ១០០លានអឺរ៉ូ ប៉ុន្តែកុងត្រារបស់គេនឹងផុតនៅឆ្នាំ ២០២១ ហើយថ្មីៗកន្លងទៅ កីឡាករដ៏មានទេពកោសល្យនេះ បានបដិសេធការផ្ដល់ជូនជាថ្មីរបស់ក្លឹបអេស្ប៉ាញ។

ប្រសិនបើ Valencia ចង់ចំណេញពីការផ្លាស់ប្ដូររបស់ Torres ពួកគេត្រូវឱ្យគេចេញនៅរដូវក្ដៅខាងមុខ ជៀសវាងបាត់បង់រូបគេ ដោយការផ្ទេរគ្មានតម្លៃខ្លួននៅឆ្នាំក្រោយ។

មិនត្រឹមតែ Dortmund ទេពោលគឺមានក្លឹបជាច្រើន បានដាក់ការចាប់អារម្មណ៍របស់ពួកគេ មកលើកីឡាករវ័យ២០ឆ្នាំ ដូចជា Manchester United, Liverpool, Juventus, Real Madrid និង Barcelona។

តាំងពីឆ្នាំ២០១៧មក កីឡាករអេស្ប៉ាញពាក់អាវលេខ២០ កម្ពស់ ១,៨៤ ម៉ែត្រ Ferran Torres បានបង្ហាញខ្លួនឱ្យ Valencia ៦២ប្រកួត និងរកបាន ៦គ្រាប់៕

ប្រភព៖ Marca ប្រែសម្រួល៖ អ៊ុំ សុភក្តិ