ប៊ុន សុធា ក្លាយជាកីឡាករខ្មែរទី៥ ឈ្នះខ្សែក្រវាត់២គ្រឿងក្នុងកម្មវិធីប្រដាល់តែមួយ

2020-04-15 06:33:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងវ័យក្មេង ប៊ុន សុធា ក្លាយជាកីឡាករខ្មែរទី៥ ដែលធ្លាប់ឈ្នះខ្សែក្រវាត់ដល់ទៅ២គ្រឿងក្នុងកម្មវិធីប្រដាល់តែមួយ ដូចទៅនិងសិស្សច្បង រឿង សោភ័ណ្ឌ ផល សោភ័ណ្ឌ និងមួយចំនួនទៀត។ តោះ! មើលទាំងអស់គ្នាមានកីឡាកររូបណាខ្លះធ្លាប់ខ្សែក្រវាត់២គ្រឿងនោះ៖

កីឡាករ យ៉េន ឌីណា

**ទី១ កីឡាករ យ៉េន ឌីណា**

កីឡាកររូបនេះធ្លាប់ឈ្នះខ្សែក្រវាត់គោជល២រដូវកាលផ្សេងៗគ្នាគឺនៅ លើសង្វៀនប្រដាល់ CNC។

កីឡាករ ផល សោភ័ណ្ឌ

ទី២ កីឡាករ ផល សោភ័ណ្ឌ

អ្នកប្រដាល់ល្អគ្រប់ក្បាច់រូបនេះក៏ធ្លាប់ឈ្នះខ្សែក្រវាត់២គ្រឿងផងដែរគឺឈ្នះខ្សែក្រវាត់ខារាប៉ាវនៅសង្វៀនបាយ័ន។

កីឡាករ រឿង សោភ័ណ្ឌ

ទី៣ កីឡាករ រឿង សោភ័ណ្ឌ

កីឡាករដៃភ្លើងជើងរន្ទះខាងលើនេះក៏ធ្លាប់ខ្សែក្រវាត់២គ្រឿងក្នុងកម្មវិធីតែមួយផងដែរគឺលើសង្វៀន CNC ខ្សែក្រវាត់គោជល។

កីឡាករ ឡៅ ចិត្រា

ទី៤ កីឡាករ ឡៅ ចិត្រា

អ្នកប្រដាល់មកពីឆត្រយោង ៩១១ ម្នាក់នេះ ក៏ឈ្នះខ្សែក្រវាត់២គ្រឿងផងដែរ ពោលឈ្នះនៅលើសង្វៀន PNN។ ទី១ ខ្សែក្រវាត់ប្រាក់ និងទី២ ខ្សែក្រវាត់មាស លើប្រភេទទម្ងន់ ៦០គីឡូក្រាម។

កីឡាករ ប៊ុន សុធា (រូបភាពហ្វេសបុក ប៊ុន សុធា)

ទី៥ កីឡាករ ប៊ុន សុធា

សិស្សគុនរបស់សមាគមកីឡាក្រសួងការពារជាតិរូបនេះក៏ជាអ្នកប្រដាល់ដែលឈ្នះខ្សែក្រវាត់ ២គ្រឿង ក្នុងកម្មវិធីតែមួយដូចទៅនិងសិស្សច្បងខាងលើដែរ។ រូបគេឈ្នះខ្សែក្រវាត់គូបូតា របស់សង្វៀនបាយ័ន២គ្រឿង ទី១ លេងលើប្រភេទទម្ងន់ ៥៤គីឡូក្រាម ឈ្នះ ខេម ចាន់ វគ្គផ្ដាច់ព្រ័ត្រ និងទី២ ឈ្នះកីឡាករថៃ លើប្រភេទទម្ងន់៦០គីឡូក្រាម៕

អត្ថបទ៖ នួន ស៊ីណា