រំឭកជំនួបប្រវត្តិសាស្ត្រ Floyd ជាមួយ Pacquiao កក្រើកពិភពគុន

2020-04-22 08:39:01
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រប់គ្នាប្រហែលជាចាំមិនភ្លេចទេនៃការណាត់ជួបរវាងកំពូលអ្នកប្រដាល់ទាំងពីររូបគឺ Floyd Mayweather ប្រកួតទល់នឹង Manny Pacquiao កាលពីថ្ងៃទី ២ ខែ ឧសភា ឆ្នាំ ២០១៥។

ជំនួបរវាងអ្នកទាំងពីរបានរៀបចំនៅទីតាំង MGM Grand Garden Arena នៃទីក្រុង Las Vegas រដ្ឋ Nevada និងត្រូវបានគេឲ្យឈ្មោះថា "ការប្រកួតប្រចាំសតវត្ស"។ ទីតាំងមួយនេះអាចផ្ទុកអ្នកទស្សនាបាន ១៦ ៨០០នាក់ ខណៈសំបុត្រមានតម្លៃចាប់ពី១ ៥០០ដុល្លារដល់៧ ៥០០ដុល្លារ ហើយត្រូវលក់អស់ត្រឹមតែ១នាទីប៉ុណ្ណោះ។

សម្រាប់តម្លៃខ្លួនរបស់កីឡាករទាំង២ម្នាក់ទទួលបានមិនក្រោម១០០លានដុល្លារទេ។ ងាកទៅមើលការប្រកួត អ្នកទាំងពីរបានវាយគ្នា១២ទឹកពេញមិនធ្វើឲ្យអ្នកទស្សនាខកចិត្តឡើយ។ ដោយបញ្ចប់លទ្ធផលអាជ្ញាកណ្ដាលបានសម្រេចឲ្យ Floyd ឈ្នះដោយឯកច្ឆន្ទ។ យ៉ាងណាមិញលទ្ធផលនេះបានធ្វើឲ្យអ្នកគាំទ្រជាច្រើនជុំវិញពិភពលោកមិនពេញចិត្តឡើយ ព្រោះពួកគេគិតថា Floyd រត់ច្រើនពេក Pacquiao ទេទើបសមជាអ្នកឈ្នះ។

អ្នកឈ្នះទទួលបានខ្សែក្រវាត់កិត្តិយសមួយគ្រឿង បង្កើតដោយស្ថាប័ន WBC មានតម្លៃដល់១លានដុល្លារឯណោះ។ បច្ចុប្បន្នអ្នកគាំទ្រនៅមានគំនិតចង់ឲ្យអ្នកទាំងពីរសងសឹកគ្នាម្ដងទៀត។ ខាងក្រោមជាវីដេអូ Highlight ជក់ចិត្តរវាង Floyd និង Manny៖