៥វិធី ជួយឲ្យល្បឿន Wi-Fi កាន់តែលឿនជាងមុន!

2020-04-23 03:54:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ល្បឿនអ៊ីនធឺណិត Wi-Fi អាចយឺតដោយសារមូលហេតុមួយចំនួនដូចជាការដាក់ Wi-Fi Router នៅទីតាំងមិនត្រឹមត្រូវ និងការកំណត់ Channel និងហ្រេ្វកង់មិនត្រឹមត្រូវជាដើម។ ក្រៅពីមូលហេតុទាំងពីរនេះ ក៏នៅមានមូលហេតុមួយចំនួនទៀតដែលធ្វើឲ្យល្បឿនរបស់ធ្លាក់ចុះដែរ។ ដូច្នេះខាងក្រោមនេះគឺជាវិធីប្រាំយ៉ាងដែលអាចធ្វើឲ្យល្បឿន Wi-Fi របស់អ្នកលឿនជាងមុនបាន។

១) ជ្រើសរើស Channel និងហ្វ្រេកង់ឲ្យត្រឹមត្រូវ៖ នៅលើ Wi-Fi Router គឺមាន Channel សម្រាប់កំណត់បានដូច្នេះគ្រាន់តែប្ដូរ Channel នៅលើ Router វាអាចជំនួយដល់ល្បឿន Wi-Fi ផងដែរជាពិសេសប្រសិនបើអ្នកស្ថិតនៅក្នុងអគារដែលមានការរំខានពីសញ្ញា Wi-Fi ផ្សេងទៀត។ មិនត្រឹមតែប៉ុណ្ណោះចំពោះបច្ចេកវិទ្យាផ្សេងទៀតដូចជាទូរសព្ទឥតខ្សែ និង Microwaves ក៏អាចរំខាន Wi-Fi ដែរ។ អ្នកប្រើប្រាស់អាចសាកប្រើ Channel 1, 6 ឬ 11 បាន តែប្រសិនបើមិនដំណើរការអាចប្ដូរទៅ Channel 2 ឬ 10 ឬក៏ប្ដូររហូតដល់ពេលដែលបានដឹងថា ល្បឿនបានផ្លាស់ប្ដូរ និងលឿនជាងមុន។

ចំពោះ Wi-Fi Router ទំនើបពេលបច្ចុប្បន្ននេះវិញគឺបញ្ជូនប្រេកង់ខុសគ្នា៖ 2.4 GHz និង 5 GHz។ ជាទូទៅ 2.4 GHz គឺល្មមប្រើសម្រាប់ផ្ទះទំហំធំ និងច្រើនជាន់ ព្រោះរលកសញ្ញាអាចដំណើការបានឆ្ងាយនិងឆ្លងកាត់ជញ្ជាំងបាន។ ប៉ុន្តែសម្រាប់បន្ទប់ ឬផ្ទះដែលមានទំហំតូចហ្រេ្វកង់ 5 GHz ។

២)ដាក់កន្លែងត្រឹមត្រូវ៖ ការដាក់ Wi-Fi Router ឲ្យចំទីតាំងត្រឹមត្រូវ វានឹងបង្កើនរលកសញ្ញារបស់ Wi-Fi ផងដែរ។ ដូច្នេះត្រូវគិតពីកម្ពស់និងទីតាំងឲ្យបានត្រឹមត្រូវ មានន័យថានៅចំណុចកណ្ដាលនៃបន្ទប់ ឬនៅលើធ្នើរកម្ពស់ខ្ពស់គឺកន្លែងល្អបំផុត ហើយជៀសវាងការដាក់វានៅផ្នែកនៃជញ្ជាំងក្រាស់ ដែលធ្វើថយចុះសញ្ញារបស់វា។ ម្យ៉ាងទៀតនោះ សត្រូវធំបំផុតរបស់ Wi-Fi គឺទឹក និងបង្អួចកញ្ចក់ ដូច្នេះគួជៀសវាងការដាក់វានៅជិតកន្លែងទាំងនេះដែលជាហេតុធ្វើឲ្យល្បឿនអ៊ីនធឺណិតធ្លាក់ចុះ។

៣) កំណត់សុវត្ថិភាពរបស់ Router៖ ការដាក់លេខសម្ងាត់នៅលើ Router ឬការកំណត់ចំនួនឧបករណ៍ដែលប្រើវា នឹងជួយឲ្យល្បឿនអ៊ីនធឺណិត Wi-Fi មិនធ្លាក់ចុះ។

៤) ប្រើ Router ថ្មី៖ ចំពោះប្រភេទ Router ជំនាន់ថ្មីត្រូវបានផលិតឡើងដោយភ្ជាប់មកជាមួយបច្ចេកវិទ្យាទំនើប ដែលអាចបញ្ជូនសញ្ញាទៅកាន់ឧបករណ៍ដោយផ្ទាល់។ មិនត្រឹមតែប៉ុណ្ណោះ ពួកវាផ្ដល់នូវល្បឿនលឿនជាងប្រេកង់ច្រើន និងមានបច្ចេកវិទ្យាឆ្លាតវៃងាយស្រួលក្នុងការប្រើប្រាស់។

៥)ទិញឧបករណ៍ Network Extender៖ Network Extender អាចបង្កើនវិសាលភាពរបស់រលកសញ្ញារបស់ Wi-Fi ទៅដល់កន្លែងដែលរលកសញ្ញាពិបាកចូលទៅដល់ ហើយអ្នកប្រើប្រាស់ក៏អាចយក Router ចាស់ៗប្រើជា Network Extender បានដែរ៕