មានចាប់អារម្មណ៍ទេ? ទាំងលើ Facebook និង Messenger មានបន្ថែម Reaction ថ្មីមកហើយ

2020-04-23 06:02:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីជំរុញការគាំទ្រនិងលើកទឹកចិត្តគ្នាទៅវិញទៅមក នៅស្ថានភាពដែលត្រូវនៅដាច់ដោយឡែកដោយសារជំងឺ COVID-19 ក្រុមហ៊ុន Facebook បានធ្វើការបន្ថែមនូវរូប Reaction ថ្មីចំនួន ២ ទាំងនៅលើ Facebook និង Messenger។

Reaction ថ្មីនោះ ចាប់ផ្តើមដាក់ឲ្យដំណើរការចាប់ពីថ្ងៃទី ២៣ មេសានេះតទៅហើយ ដោយអ្នកប្រើប្រាស់ខ្លះក៏បានទទួលប្រើប្រាស់ជាបណ្តើរៗ ខ្លះទៀតក៏រង់ចាំនៅប៉ុន្មានថ្ងៃបន្ទាប់។

នៅលើកម្មវិធី Facebook អ្នកនឹងបានឃើញនូវ Reaction ថ្មីទី ៧ ឲ្យឈ្មោះថា "Care" បន្ថែមលើ Reaction ចាស់ទាំង ៦ កន្លងមក។ នៅពេលអ្នកសង្កត់ឲ្យជាប់លើប៊ូតុង Like លើ Post ណាមួយ នោះនឹងបានឃើញរូបភាពអោប ដែលបង្ហាញពីការយកចិត្តទុកដាក់។ ចំណែកឯលើ Messenger គឺមាន Reaction បេះដូងថ្មីពណ៌ស្វាយ ដែលអ្នកអាចបង្ហាញទៅលើសាររបស់នរណាម្នាក់បាន។

បញ្ជាក់ថាមិនមានព័ត៌មានច្បាស់ការណាមួយ ថា Reaction ថ្មីនេះ នឹងដាក់ឲ្យប្រើប្រាស់ជារៀងរហូតនោះទេ ដោយប្រភពខ្លះអះអាងថា Facebook ទំនងតែដាក់ឲ្យប្រើប្រាស់អំឡុងស្ថានភាព COVID-19 នេះតែប៉ុណ្ណោះ៕

អានអត្ថបទ:

ប្រភព៖ Flashfly ប្រែសម្រួល៖ កៅ រក្សា