ឃើញរូបភាពក្រោយឆាករបស់ Lamborghini នេះហើយ ភ្ញាក់ផ្អើលតែម្ដង (វីដេអូ)

2020-04-27 03:21:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបាត់បង់ឱកាសសហការជាមួយក្រុមហ៊ុន Lamborghini អ្នកថតរូបក្នុងវិស័យយានយន្តឈ្មោះ Kunal Kelkar បានសម្រេចចិត្តសាកល្បងបង្កើតបទពិសោធន៍ជាមួយរថយន្ត Lamborghini នៅផ្ទះរបស់ខ្លួន។ អ្នកថតរូបនេះ បានប្រើប្រាស់ឧបករណ៍រត់ហាត់ប្រាណជំនួសឲ្យផ្លូវថ្នល់ ហើយបានប្រើរថយន្ត Lamborghini ជារបស់ក្មេងលេង ជំនួសឲ្យរថយន្តពិត។

Kunal បានឲ្យដឹងថា គំនិតនៃការថតនេះបានផុសឡើងនៅពេលហាត់ប្រាណនៅផ្ទះ ពេលដែលរូបគេដឹងថាខ្សែពាននៃឧបករណ៍រត់ហាត់ប្រាណគឺមានរូបរាងស្រដៀងនឹងផ្លូវថ្នល់ពេលវាមានចលនា។ ក្រោយពីគិតឃើញហើយ រូបគេបានសាកល្បងយករថយន្តក្មេងលេងមកថតភ្លាមៗ ហើយវាដូចអ្វីដែលលោកស្រមើស្រមៃតែម្ដង។

ដំណើរការនៃការថតគឺសាមញ្ញ។ គេបានប្រើប្រាស់កូនរថយន្ត Lamborghini Huracan ចងជាប់នឹងខ្សែហើយដាក់លើឧបករណ៍រត់ហាត់ប្រាណ ហើយបើកឧបករណ៍នោះ។ ក្រោយមកទៀត Kunal បានបាញ់ចំហាយទឹកលើរថយន្ត ពេលថតក្នុង High-Speed Burst។ សម្រាប់ឧបករណ៍វិញគឺមាន Fuji X-T3 ជាមួយឡេន16-55mm f/2.8 ដាក់ជាប់នឹង Tripod, ភ្លើង Lumecube ចំនួនពីរ, ភ្លើង Profoto B10 ចំនួនពីរ និងភ្លើង Yongnuo YN360 មួយ។ ទស្សនាវីដេអូសកម្មភាពក្រោយឆាកខាងក្រោម ៖