Pochettino អាចក្លាយជាអ្នកចាត់ការមានថ្លៃឈ្នួលខ្ពស់ជាងគេលំដាប់ទី៣ បើមក Newcastle
- 2020-04-30 02:56:09
- ចំនួនមតិ 0 | ចំនួនចែករំលែក 0
Pochettino អាចក្លាយជាអ្នកចាត់ការមានថ្លៃឈ្នួលខ្ពស់ជាងគេលំដាប់ទី៣ បើមក Newcastle
ចន្លោះមិនឃើញ
ក្លឹប Newscastle United ត្រូវបានរាយការណ៍ត្រៀមធ្វើឲ្យលោក Mauricio Pochettino ក្លាយជាអ្នកចាត់ការម្នាក់មានថ្លៃឈ្នួលខ្ពស់ជាងគេលើលោក។
យោងតាមសារព័ត៌មាន Sky Sports News ឲ្យដឹងថា Pochettino កំពុងចង់បានដោយ Newcastle ដែលជាក្លឹបត្រៀមធ្លាក់ក្នុងដៃរបស់ព្រះអង្គម្ចាស់នៃប្រទេសអារ៉ាប៊ីសាអ៊ូឌីត Mohammed Bin Salman បានដាក់ដេញថ្លៃ៣០០លានផោន។
អ្នកចាត់ការបច្ចុប្បន្នលោក Steve Bruce ប្រហែលជាត្រូវក្លឹបទុកឱកាសដឹកនាំរហូតចប់រដូវកាលនេះ។Pochettino ជាអ្នកចាត់ការឈានមុខគេម្នាក់ដែល Newcastle គ្រោងយកមកជំនួសកន្លែង។ តាមការឲ្យដឹងក្លឹបរហស្សនាមសារិកាព្រៃហ៊ានឲ្យអតីតអ្នកចាត់ការរបស់ Spurs ខាងលើដល់ទៅ១៩លានផោនក្នុង១ឆ្នាំ។
នេះមានន័យថា ប្រសិនបើ Pochettino សម្រេចចិត្តមកមែន លោកនឹងក្លាយជាអ្នកចាត់ការមានថ្លៃឈ្នួលខ្ពស់ជាងគេលំដាប់ទី៣ បន្ទាប់ពី លោក Diego Simeone របស់ Atletico Madrid និង Pep Guardiola របស់ Manchester City៕