អនាគតអ្នកស្នងតំណែង CEO នៅ Alibaba ត្រូវទម្លាក់តំណែង ព្រោះរឿងអាស្រូវ

2020-04-30 06:32:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកកាន់កាប់តំណែងជាន់ខ្ពស់នៅ Alibaba និងជាបេក្ខភាពដែលស្នងតំណែងនាយកប្រតិបត្តិនៃក្រុមហ៊ុននេះ ត្រូវបានគេទម្លាក់តំណែង ក្រោយពីផ្ទុះរឿងអាស្រូវដែលជាប់ពាក់ព័ន្ធរវាងភរិយា និងតារាអ៊ីនធឺណិតមួយរូប។

លោក Jiang Fan វ័យ ៣៤ ឆ្នាំ គឺជាប្រធាននៃ Tmall និង Taobao ដែលជាហាងលក់ទំនិញស្ថិតក្រោមការកាន់កាប់របស់ Alibaba។ Alibaba បានដកហូតប្រាក់រង្វាន់ និងទម្លាក់តំណែងរបស់ Jiang Fan ពីតំណែងដែលស្មើនឹងនឹងអនុប្រធានជាន់ខ្ពស់ មកជាអនុប្រធានវិញ។ មិនតែប៉ុណ្ណោះ Alibaba បានដកឈ្មោះលោក Jiang ពីបញ្ជីដៃគូសហការដ៏មានឥទ្ធិពលចំនួន ៣៨ របស់ក្រុមហ៊ុនផងដែរ។

លោក Jaing បានចូលបម្រើការងារនៅ Alibaba នាឆ្នាំ ២០១៣ ពេលដែលក្រុមហ៊ុន Alibaba បានទិញយកកម្មវិធីវិភាគលើទូរសព្ទដៃដែលគេបានបង្កើត។ ក្រោយមកលោកឡើងកាន់កាប់ Taobao នៅឆ្នាំ ២០១៧ បន្ទាប់មកគ្រប់គ្រង Tmall និងគ្រប់គ្រងនូវ Alimama ដែលជាផ្នែកផ្សព្វផ្សាយពាណិជ្ជកម្មរបស់ Alibaba ផងដែរ។

លោក Jaing ត្រូវបានគេមើលឃើញថាជាបេក្ខភាពដ៏មានឥទ្ធិពលម្នាក់ អាចស្នងតំណែងលោក Zhang Yong ដែលបច្ចុប្បន្នជានាយកប្រតិបត្តិ Alibaba Group។ លោក Zhang Yong ឡើងកាន់តំណែងជានាយកប្រតិបត្តិបន្ទាប់ពីលោក Jack Ma ចាប់ពីថ្ងៃទី ១០ ខែកញ្ញា ឆ្នាំ ២០១៩ ដោយនឹងកាន់កាប់រយៈពេល ១ឆ្នាំប៉ុណ្ណោះ៕

ប្រភព៖ Financial Time ប្រែសម្រួល៖ សុខហេង