ប្រយ័ត្នអស់ ១០ម៉ឺនរៀលទទេ បើមិនគោរពគំនូសសញ្ញាសម្រាប់អ្នកថ្មើរជើង និងសញ្ញាដទៃទៀត
- 2020-05-15 05:04:53
- ចំនួនមតិ 0 | ចំនួនចែករំលែក 0
ប្រយ័ត្នអស់ ១០ម៉ឺនរៀលទទេ បើមិនគោរពគំនូសសញ្ញាសម្រាប់អ្នកថ្មើរជើង និងសញ្ញាដទៃទៀត
ចន្លោះមិនឃើញ
យោងតាមមាត្រា ៦ថ្មី នៃអនុក្រឹត្យស្ដីពីការពិន័យអន្ដរការណ៍ចំពោះអំពើល្មើសនឹងច្បាប់ចរាចរណ៍ស្ដីពីចរាចរណ៍ផ្លូវគោក ចំពោះអ្នកបើកបរទោចក្រយាយន្ត(ម៉ូតូ មានកង់ពីរ) ឬទោចក្រយានយន្តសណ្ដោងរឺម៉ក ឬត្រូវចក្រយានយន្ត ឬម៉ូតូកង់បួន នឹងត្រូវពិន័យចំនួន ១០ម៉ឺនរៀល ប្រសិនបើបើកបរមិនគោរពផ្លាកសញ្ញាហាមឃាត់ ឬផ្លាកសញ្ញាបញ្ជា ឬផ្លាកសញ្ញាសិទ្ធិអាទិភាព ឬគំនូសសញ្ញា សម្រាប់ថ្មើរជើងឆ្លងកាត់ ក៏ដូចជាល្មើសនឹងច្បាប់ចរាចរណ៍ផ្សេងៗទៀដូចខាងក្រោមនេះ៖
ក. បើកបរបង្ហោះ រេចុះរេឡើង ឆាបឬគៀរ។
ខ. បើកបរអូសជន្ទល់លើផ្លូវថ្នល់ ឬព្រលែងដៃចង្កួត ឬលើកជើងដាក់លើដៃចង្កូត។
គ. បើកបរបញ្ចេញសម្លេងម៉ាស៊ីនខ្លាំង ឬផ្សែងច្រើន ខុសពីបទដ្ឋានបច្ចេកទេស។
ឃ. បើកបរមិនគោរពលក្ខខណ្ឌសុខភាពតម្រូវឲ្យពាក់វ៉ែនតាដែលមានកំណត់ក្នុងប័ណ្ណបើកបរ។
ង. បើកបរខុសទិសចរាចរណ៍ ឬបើកបរជាន់គំនូសបង្ហូតកណ្ដាលទ្រូងផ្លូវ។
ច. បើកបរលើសល្បឿនកំណត់ចាប់ពី ៣០ ទៅ ៣៩ គីឡូម៉ែត្រក្នុងមួយម៉ោង។
ឆ. បើកបរល្មើសនឹងការជៀស ការបត់ និងការជែង។
ជ. បើកបរល្មើសនឹងសិទ្ធិអាទិភាពផ្លូវប្រសព្វ។
ឈ. ប្រើភ្លើងហ្វាកូត ឬភ្លើងសញ្ញាប្ដូរទិសនៃយានមិនត្រឹមត្រូវ ឬកែច្នៃភ្លើងខុសបទដ្ឋានបច្ចេកទេស។
ញ. បើកបរដោយគ្មាន ឬមិនដំណើរការភ្លើងហ្វាកូត ភ្លើងបំភ្លឺផ្លាកលេខភ្លើងសញ្ញាប្ដូរទិស ភ្លើងហ្វ្រាំង។
ដ. បើកបរមិនគោរពភ្លើងសញ្ញាចរាចរណ៍ពណ៌ក្រហម ឬក្រហមភ្លឹបភ្លែតៗ។
ឋ. បើកបរមិនគោរពផ្លាកសញ្ញាហាមឃាត់ ឬផ្លាកសញ្ញាបញ្ជា ឬផ្លាកសញ្ញាសិទ្ធិអាទិភាព ឬគំនូសសញ្ញា សម្រាប់ថ្មើរជើងឆ្លងកាត់។
ឌ. បើកបរផ្ទុកទំនិញល្មើសនឹងចំណុចទី១ ទី២ ទី៥ នៃមាត្រា៥៦ នៃច្បាប់ស្ដីពីចរាចរណ៍ផ្លូវគោក។
សម្រាប់អ្នកចង់ដឹងអំពីច្បាប់ចរាចរណ៍ផ្លូវគោក និងការផាកពិន័យលម្អីតបន្ថែម ចុចទីនេះ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
