អតីតគ្រូ Real៖ Ronaldo ចូលចិត្តជប់លៀងក្នុងបន្ទប់សំលៀកបំពាក់

2020-05-20 13:21:56
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Fabio Capello អតីតគ្រូបង្គោលរបស់ក្លឹប Real Madrid បាននិយាយទៅកាន់ Sky Sport កាលពីពេលថ្មីៗនេះថា Ronaldo ជាកីឡាករដែលមានទេពកោសល្យបំផុត តែទន្ទឹមនឹងនេះគេក៏បានបង្កហេតុក្នុងបន្ទប់ផ្លាស់សំលៀកបំពាក់ ដែលបង្កឲ្យធុំក្លិនសុទ្ធតែស្រា។

លោក Capello បាននិយាយថា៖ " Ronaldo ជាកីឡាករដែលមានទេពកោសល្យជាងនរណាទាំងអស់។ ប៉ុន្តែទន្ទឹមនឹងនេះគេក៏ជាកីឡាករម្នាក់ ដែលបាននាំបញ្ហាឲ្យខ្ញុំច្រើនបំផុតផងដែរនៅក្នុងបន្ទប់ផ្លាស់សំលៀកបំពាក់" ។

អតីតគ្រូបង្គោល Real Madrid រូបនេះបានបន្តថា៖ " គេតែងតែធ្វើពិធីជប់លៀងឬក៏អ្វីៗស្រេចតែចិត្តគេ រហូតដល់ពេលមួយ Van Nistelrooy បានមកប្រាប់ខ្ញុំថា បន្ទប់នេះធុំក្លិនសុទ្ធតែស្រា"។

យ៉ាងណាមិញ លោក Capello ក៏បានកំប្លែងលេងថា នៅពេលដែល Ronaldo ចាកចេញពី Real Madrid បាត់ទៅក្លឹបនេះក៏បានចាប់ផ្ដើមទទួលបានជ័យជំនះឡើងវិញ។

គួរបញ្ជាក់ផងដែរថា Ronaldo បានធ្វើជាខ្សែប្រយុទ្ធរបស់ក្លឹប Real Madrid តាំងពីឆ្នាំ ២០០២ដល់ឆ្នាំ ២០០៧ មុនពេលដែលកីឡាកររូបទៅលេងនៅក្លឹប A.C. Milan ដោយចូលរួមលេងបាន ១៧៧ប្រកួតនិងរកគ្រាប់បាល់បាន ១០៤គ្រាប់៕

ប្រភព៖ Marca អត្ថបទ៖ សេរី មង្គល