Oscar Garci៖ Messi ជាកីឡាករម្នាក់គត់ អាចធ្វើដូចអ្វី Ronaldo បានធ្វើ
- 2020-06-03 08:03:53
- ចំនួនមតិ 0 | ចំនួនចែករំលែក 0
Oscar Garci៖ Messi ជាកីឡាករម្នាក់គត់ អាចធ្វើដូចអ្វី Ronaldo បានធ្វើ
ចន្លោះមិនឃើញ
«Messi ជាកីឡាករម្នាក់គត់ អាចធ្វើដូចអ្វី Ronaldo បានធ្វើ»។ នេះជាការលើកឡើង របស់អតីតខ្សែបម្រើកណ្ដាលក្លឹបអ្នកមានបុណ្យ Oscar Garcia។
Ronaldo ជាតារាឆ្នើមមួយរូប និងមានរដូវកាលដ៏ចងចាំនៅក្លឹប Barcelona។ អតីតខ្សែប្រយុទ្ធជម្រើសជាតិប្រេស៊ីល រកបាន៤៧គ្រាប់នៅឆ្នាំ១៩៩៦-១៩៩៧ ដែលធ្វើឱ្យមានការចាប់អារម្មណ៍ខ្លាំងពីអ្នកគាំទ្រលើពិភពលោក។
Garcia បានបញ្ជាក់ថា លោកមិនដែលឃើញកីឡាករល្អណាដូចជា Ronaldo ប្រេស៊ីលឡើយ រហូតការមកដល់របស់ Messi កីឡាករឆ្នើមបំផុតនៅ Camp Nou នាពេលបច្ចុប្បន្ន។
អ្នកចាត់ការក្រុម Celta វ័យ៤៧ឆ្នាំប្រាប់ទៅកាន់ Marca ៖«ខ្ញុំពិតជាមានសំណាងណាស់ ដែលបាននៅជិតការស៊ុតបញ្ចូលទីរបស់គាត់ (Ronaldo)។ ខ្ញុំឃើញគាត់ពិតជាផ្លាស់ទីលឿន វាថែមទាំងពិបាកក្នុងការចាប់គាត់ណាស់។ ពេលនៅហ្វឹកហាត់ យើងឃើញគាត់ប្លែកពីគេ ដែលនោះគឺគាត់ជួយយើងបានច្រើន»។
ចាប់តាំងពីការមកដល់របស់ Lionel Messi លោកមិនដែលឃើញកីឡាករណា បណ្ដើរបាល់លឿនបែបនោះទេ ហើយខ្សែប្រយុទ្ធអាហ្សង់ទីនតែម្នាក់គត់ ដែលអាចធ្វើដូច Ronaldo បាន។
អ្នកចាត់ការទូទៅក្រុម Celta សញ្ញជាតិអេស្ប៉ាញ បានបញ្ជាក់បែបនេះ ៖«ខ្ញុំធ្លាប់ឃើញតែគាត់ និង Messi ប៉ុណ្ណោះ អាចធ្វើបែបនោះបាន»៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
